سولتۇستىك قازاقستان وبلىسى سەرگەيەۆكا قالاسىنا باراتىن جول ەرىگەن قار سۋىنىڭ استىندا قالدى، - دەپ حابارلايدى «قامشى» پورتالى.

وقيعا كۋاگەرى رۇستەم تاۋەكەلوۆتىڭ ايتۋىنشا، شال اقىن ەلدى مەكەنىنە دەيىنگى جولدىڭ ءبىراز بولىگىن سۋ باسقان.

«بىلتىر مۇنداي بولماعان. ول كەزدە سۋ كوتەرىلگەنىمەن جولدىڭ ءۇستىن باسا قويماعان ەدى. بيىل تراسسانىڭ ۇزىندىعى 10 مەتر شاماسىنداعى بىرنەشە بولىگىن سۋ باسىپ وتىر. قۇتقارۋشىلار ءقازىر ءتيىستى جۇمىستار جۇرگىزۋدە»، - دەيدى ول.

توتەنشە جاعدايلار كوميتەتىندەگىلەر پەتروپاۆل-جەزقازعان اۆتوجولىنىڭ 780-شاقىرىمىن سۋ باسىپ قالعانىن حابارلادى.

«سۋ استىندا قالعان جولدىڭ ۇزىندىعى 10 مەتر، سۋ تەرەڭدىگى 10-15 سانتيمەتر»، - دەلىنگەن تجك تاراتقان حابارلامادا.

الەۋمەتتىك جەلىلەردە سقو، قاراعاندى، قوستاناي، پاۆلودار، شىڭىس قازاقستان وبلىستارىنداعى سۋ استىندا قالعان ەلدى مەكەندەردەن تۇسىرىلگەن ۆيدەولار كوپتەپ تاراۋدا.