مادەنيەت ءمينيسترى 53 قاتە شىققان بۇيرىقتاعى جاڭىلىس مەنەن ەمەس دەپ ات تونىن الا قاشتى، - دەپ حابارلايدى 31-ارنا.

الەۋمەتتىك جەلىدە ەلىمىزدىڭ مادەنيەت جانە سپورت ءمينيسترى ارىستانبەك مۇحامەدي ۇلى قول قويعان 4 بەتتىك بۇيرىقتان 50-دەن استام گرامماتيكالىق قاتە شىققان بولاتىن. وسى وقيعا الەۋمەتتىك جەلى مەن اقپارات قۇرالدارىندا قىزۋ تالقىعا ءتۇستى. بۇيرىقتا تەك گرامماتيكالىق قانا ەمەس، ستيليستيكالىق قاتەلەردىڭ دە جوق ەمەستىگىن ايتۋدا جەلى قولدانۋشىلارى.

الايدا، مادەنيەت جانە سپورت ءمينيسترى ا. مۇحامەدي ۇلى بۇيرىققا ءوزى قول قويعان كەزدە ونداي قاتە بولماعانىن، تەك ونى قابىلداپ العان مەكەمە دايىن بۇيرىقتى كومپيۋتەرگە كوشىرەمىز دەپ ءبارىن قۇرتقانىن ايتىپ، كىنانى ادىلەت مينيسترلىگىنە قاراستى اقپارات ورتالىعىنا اۋدارماق بولعان. ال، ونداعىلار، بۇيرىقتىڭ وزدەرىنە قالاي كەلسە، سولاي سكانەرلەنەتىنىن، ال PDF فورماتتا كەلەتىن ەلەكتروندى نۇسقاسىنا ەشقانداي رەداكسيالاۋ جۇرگىزبەگەندەرىن ايتىپ وتىر.

«ال، جۇرتتىڭ اشۋىنا ىلىنگەن بۇيرىق "ادىلەت.زاڭ" سايتىندا ءالى تۇر. قاتەدەن كوز اشپاعان قۇجاتتى الىپ تاستاعان دا، تۇزەتكەن دە ەشكىم جوق. تەك مادەنيەت مينيسترلىگى شۋلى وقيعادان كەيىن قۇجاتتىڭ قاتەسىز ءتۇپنۇسقاسىن ءوز سايتتارىنا جۇكتەپ قويعان»، - دەپ حابارلايدى تەلەارنا.