تۇركمەنستان پرەزيدەنتى قۇربانع ۇلى بەردىمۇحامەدوۆ جۇمىستارىنداعى ەلەۋلى كەمشىلىكتەر ءۇشىن ءۇش بىردەي ءمينيسترىن جۇمىستان قۋدى، - دەپ حابارلايدى «قامشى» پورتالى.
جۇما كۇنى تۇركمەنستاننىڭ ەكونوميكا جانە دامۋ ءمينيسترى ەلداش شەريپوۆ، ساۋدا جانە سىرتقى ەكونوميكالىق بايلانىستار ءمينيسترى بايار ابايەۆ پەن سالىق قىزمەتىنىڭ باسشىسى شاتتىق حۋممەدوۆ قىزمەتىنەن كەتتى. ولاردىڭ قىزمەتتەن بوسايتىنىن ق. بەردىمۇحامەدوۆ ءبىرىنشى توقسانداعى جۇمىستى قورىتىندىلاعان ۇكىمەتتىڭ كەڭەيتىلگەن وتىرىسىندا مالىمدەدى.
ە. شەريپوۆ 2015 جىلدىڭ شىلدەسىنەن، ب. ابايەۆ 2010 جىلدىڭ اقپانىنان، ش. حۋممەدوۆ 2014 جىلدىڭ قاڭتارىنان بەرى اتالعان لاۋازىمداردى اتقارىپ كەلگەنىن ايتا كەتۋ كەرەك.
