رەسەيدەن ۇرلانعان كولىك سايرام اۋدانىنان تابىلدى، - دەپ حابارلايدى «قامشى» پورتالى قازاقپاراتقا سىلتەمە جاساپ.

8 ءساۋىرد كۇنى وقو-نىڭ سايرام اۋداندىق ءىىب-نىڭ كەزەكشى بولىمىنە، اۋدانداعى ساۋدا نۇكتەلەرىنىڭ بىرىنە بەلگىسىز ادامنىڭ اۆتوكولىك قوسالقى بولشەكتەرىن وتكىزگەنى تۋرالى حابارلاما ءتۇستى.

وقيعا ورنىنا جەدەل جەتكەن وبلىستىق ءىىد جەرگىلىكتى پوليسيا قىزمەتى وكىلدەرىنەن قۇرالعان جەدەل-ىزدەستىرۋ توبى، 1979 جىلى تۋىلعان جەرگىلىكتى تۇرعىندى كۇدىكتى رەتىندە ۇستادى.

تەكسەرۋ جۇمىستارى كەزىندە، ءتارتىپ ساقشىلارى كۇدىكتىنىڭ ءۇيىنىڭ اۋلاسىنان قۇجاتتارى جانە مەملەكەتتىك ءنومىرى جوق، بولشەكتەلگەن ماركاسى «كيا ريو» اۆتوكولىگىن انىقتادى.

اۆتوكولىكتىڭ سايكەستەندىرۋ ءنومىرىن ق ر ءىىم-نىڭ مالىمەتتەر قورىنان تەكسەرگەندە انىقتالعانى،  2015 جىلى رەسەي فەدەراسياسىنىڭ سامارا وبلىسىنان ۇرلانىپ، سودان بەرى حالىقارالىق ىزدەۋدى جۇرگەن اۆتوكولىك بولىپ شىقتى، دەپ حابارلايدى وقو ءىىد باسپا ءسوز قىزمەتى.

اۆتوكولىك اقىلى ايىپتۇرىققا جەتيكىزىلدى. اتالعان جايت بويىنشا ق ر قك-نىڭ «الاياقتىق» دەرەگىمەن  قىلمىستىق ءىس قوزعالدى. كۇدىكتى ەشقايدا كەتپەۋ تۋرالى قولحات بەرىلدى. قازىرگى تاڭدا كۇدىكتىنىڭ وسىعان ۇقساس باسقا دا قىلمىستارعا قاتىستىلىعى انىقتالۋدا.  سوتقا دەيىنگى تەرگەۋ امالدارى جۇرگىزىلۋدە.