كايرگە بەس كۇندىك ساپارمەن بارعان ساۋد ارابياسىنىڭ پاتشاسى مەن مىسىر پرەزيدەنتى قىزىل تەڭىزدىڭ ۇستىمەن ەكى ەلدى قوساتىن كوپىر سالۋ جونىندە كەلىسىمگە قول قويدى، - دەپ حابارلايدى «قامشى» پورتالى 24.kz – كە سىلتەمە جاساپ.
پاتشا سالماننىڭ مالىمدەۋىنشە، كوپىردىڭ سالىنۋى بۇرىننان وداقتاس ەكى مەملەكەت اراسىندا ساۋدا قاتىناستارىنىڭ دامۋىنا سەپتىگىن تيگىزەدى.
سونداي-اق، ەكى مەملەكەت باسشىلارى ءتۇرلى سالالارداعى بىرلەسكەن 15 جوبانى دامىتۋعا كەلىسكەن. قىزىل تەڭىز ۇستىمەن ەكى قۇرلىق – افريكا مەن ازيانى جالعايتىن كوپىر سالۋ وسىدان 30 جىل بۇرىن ۇسىنىلعان ەكەن. ءبىراق وسى كۇنگە دەيىن بۇل جوبا ىسكە اسپاي كەلدى.
