جاس ءانشى تورەعالي تورەالى رينات زايىتوۆ تۋرالى پىكىرىن ءبىلدىرىپ، ءتىپتى ونىڭ سوزىنەن ءوزىن ۇستازىم دەگەن ريناتتىڭ كولەڭكەسىندە قالىپ قويعانىنا وكىنىشىن بىلۋگە بولادى، - دەپ جازادى كوررەسپوندەنت.

عالامتوردا ءانشىنىڭ كەزەكتى ءبىر كەزدەسۋىندە بولعان اڭگىمەسى تاراپ كەتتى. وندا  كەزدەسۋگە كەلگەندەردىڭ ءبىرى ءانشىنىڭ اقىن ريناتقا قاتىستى ويىن بىلمەك بولىپ، سۇراق قويادى.

«ماڭىزدى سۇراق ەكەن، ورىندىدان بۇرىن. رينات - مەنىڭ ايتىستاعى ۇستازىم. ايتىسقا كەلىپ، ايتىستا قالاي شوۋ جاساۋ كەرەكتىگىن، قۇپيالارىن، سىرلارىن بارلىعىن اشىپ ايتقان. ايتىستا مىنانداي ءسوز ايتساڭ دەپ باعىت بەرگەن ۇستازىم رينات زايىتوۆ بولعان. كەيىننەن مەن ايتىستان كەتتىم دەپ ەكى قولىمدى سىلتەگەندە ءبىر-بىرىمىزدى تۇسىنە الماي جۇردىك.

ءقازىر جاقسى ارامىز. «حالىق ايتسا، قالپ ايتپايدى» دەيدى. كەيدە وسەك-اياڭدار   جىلدام بولىپ كەتەدى عوي. وسى جەردە مەن ءقازىر "رينات نەگىزى مىنانداي ەكەن عوي" دەپ سىبىرلاپ ايتسام، مىنا جەردە 100 ادام وتىرسا، مەن الماتىعا جەتەم دەگەنشە مىڭ شاقتى ادام ەستىپ قويادى ونى. مىسالى ءۇشىن «رينات نازاربايەۆتىڭ ادامى ەكەن، اشەيىن ءسويتىپ ءجۇر ەكەن عوي» دەسەم مىڭ ادامعا تارايدى...»-دەپ ويىن ايتقان ءانشى قويىلعان سۇراقتان كىشكەنە اۋىتقىسا كەرەك، كورەرمەن «ريناتتى شىندىقتى ايتا الاتىن ادام دەپ سانايسىز با؟»،- دەگەن سۇراعىن قايتالادى. بۇل ساۋالعا تورەعالي تورەالى ءوزى دە ايتىستا ءجۇرىپ تالاي شىندىقتى ايتقانىن، تەك ريناتتىڭ كولەڭكەسىندە قالىپ قويعانىن جاسىرمادى.

«...مەن دە ايتىستا شىندىقتى از ايتقان جوقپىن. مەن قاتىساتىن ايتىستارعا رينات تا مىندەتتى تۇردە بولاتىن. ەكەۋمىز بىرگە دايىندالاتىنبىز. مەن ونىڭ كولەڭكەسىندە قالىپ كەتەتىنمىن... مەنى ەشكىم بايقامايتىن، مەن شىندىقتى ايتىپ-ايتىپ كەتەتىنمىن. رينات شىققان كەزدە   حالىق باسقاشا بولىپ، مەنىڭ ايتقانىم ۇمىتىلىپ كەتەدى. ريناتتىڭ كوپ جەرىنە مەنىڭ قاتىسىم بار. ءالى كۇنگە دەيىن ءوزىمىز كۇلىپ تە ايتامىز»،-دەگەن ول شىندىقتى ايتقان جىلدارى ول قىسىم كورمەگەنىن، مۇمكىن وعان زايىتوۆتى ءوزى قورعان بولعان شىعار دەپ تون پىشكەن. سونىمەن قاتار جاس ءانشى بەلگىلى اقىن باۋىرجان قاليوللاۇلىنا قاتىستى وقىس وقيعاعا جايىندا دا پىكىرىن بىلدىرگەن.

«باۋىرجان قاليولل ۇلى دەگەن اقىندى بىلەسىزدەر عوي. ارتىنان پىشاقتاپ، اتىپ كەتتى دەپ... كىم بىلەدى سول ايتىستان كەيىن ءوزى ءىشىپ الىپ توبەلەستى مە؟.. سودان كەيىن حالىقتى بيلىكتەن كورە سالادى دەپ ويلادى ما؟ كىم بىلەدى؟.. شىندىقتى ايتقان جاقسى عوي»، -دەپ ويىن تۇيىندەدى ول.