قازاق-قىتاي شەكاراسىندا ايۋ تاباندارىن الىپ وتپە بولعان ادام ۇستالدى، - دەپ حابارلايدى «قامشى» پورتالى.
شقو ماقانشى اۋدانىنداعى «باقتى» شەكارا بەكەتىنىڭ شەكارا جاساعى قىتايعا جاياۋ كەتىپ بارا جاتقان 45 جاستاعى ەل زاماتىن ۇستاعان. ونىڭ قول جۇكتەرىنىڭ ىشىنەن ايۋدىڭ تاباندارى تابىلعان.
«شەكارا جاساعى جوعالىپ كەتۋ ءقاۋپى بار جانە سيرەك كەزدەسەتىن جانۋاردى زاڭسىز قورلاعان ازاماتتى ۇستادى. ول قىتايعا شەكارانى جاياۋ كەسىپ وتپەك بولعان»، - دەلىنگەن ۇقك شق باسپا ءسوز قىزمەتى تاراتقان حابارلامادا.
شەكاراشىلار ۇستالعان زاڭ بۇزۋشىدان قانشا ايۋدىڭ تابانىن تاركىلەگەنىن اشىپ ايتپاي وتىر.
وسى ءىس بويىنشا قۇقىققورعاۋ ورگاندارى تەرگەۋ جۇمىستارىن باستاپ كەتكەن.
