الماتىدا «اسفالتوبەتون-1» ج ش س جاڭا جەلىسى ىسكە قوسىلدى. ونەركاسىپ ورنى كاسىپكەرلىكتى قولداۋ كارتاسىنىڭ ءىى بەسجىلدىعى اياسىندا اشىلدى، - دەپ حابارلايدى «قامشى» پورتالى قازاقپاراتقا سىلتەمە جاساپ.

اتاپ ايتقاندا، ءوندىرىس ورنىندا اسفالت ءوندىرۋدىڭ جاڭا زاماناۋي جەلىسى اشىلدى. ەنگىزىلگەن ساپالى قۇرال-جابدىق ءونىمنىڭ ساپاسىن جاقسارتىپ، ءونىم كولەمىن 80 پايىزعا ارتتىرادى. 

ەندى كاسىپورىن جىلىنا 1 ملن توننا ءونىم وندىرەتىن بولدى. مۇنداي وندىرىستىك قۋات الماتى قاجەتتىلىگىنىڭ 70 پايىزىن قاناعاتتاندىرۋعا مۇمكىندىك بەرمەك.

ايتا كەتۋ كەرەك، كاسىپورىندا قازاقستاندىق قامتۋ كورسەتكىشى وتە جوعارى. زاۋىتتا تەك وتاندىق شيكىزات پايدالانىلادى. قازىرگى تاڭدا مۇندا 500 ادام ەڭبەك ەتىپ ءجۇر.

«بۇگىندە مەملەكەتتىك قولداۋ قارجى ءبىرىنشى كەزەكتە كاسىپكەرلىكتى قولداۋعا باعىتتالىپ وتىر. وتاندىق تاۋارلار مەن قىزمەت تۇرلەرىن ءوندىرۋ، ولاردىڭ ساپاسىن ارتتىرۋ، ولاردى سىرتقى جانە ىشكى نارىقتا جۇرگىزۋگە مەملەكەت اسا كوپ كوڭىل بولەدى. بۇل جەردە الماتىنىڭ الار ورنى ەرەك»، - دەدى قالا اكىمى باۋىرجان بايبەك.

«كومپانيا ونىمدەرى «نۇرلى جول» جاڭا ەكونوميكالىق ساياسات باعدارلاماسى اياسىندا سالىناتىن اۆتوجولدار مەن ينفراقۇرىلىم جوبالارىن جۇزەگە اسىرۋعا پايدالانىلادى. سوندىقتان، اسفالت زاۋىتىنىڭ جاڭا ءوندىرىسى اسا ۇلكەن ماڭىزعا يە»، - دەدى كومپانيا ديرەكتورى ۆاريس يسلاموۆ.

كاسىپكەرلىكتى قولداۋ كارتاسىنىڭ ەكىنشى قاتىسۋشىسى «ينتەرمۋلتيسەرۆيس» ج ش س گوفروقاپتاما وندىرۋمەن اينالىسادى. ءوندىرىس كولەمى جىلدان-جىلعا ارتىپ كەلەدى.

ەگەر 2014 جىلى 506،6 ملن تەڭگەنىڭ ءونىمىن وندىرسە، 2015 جىلى كاسىپورىننىڭ وندىرىستىك قۋاتى 614،3 ملن تەڭگەگە جەتكەن.  زاۋىتتا 100 ادام جۇمىس جاسايدى.

ايتا كەتۋ كەرەك، كاسىپكەرلىكتى قولداۋ كارتاسىنىڭ ءى بەسجىلدىعى اياسىندا الماتىدا قۇنى 280 ملرد تەڭگە بولاتىن 20 جوبا جۇزەگە استى. جاڭا جوبالار 3 مىڭ جۇمىس ورنىن اشۋعا مۇمكىندىك بەردى.

ال ءىى بەسجىلدىعى اياسىندا قۇنى 120 ملرد تەڭگە بولاتىن 55 جوبا قاراستىرىلعان.  بيىل قۇنى 37 ملرد تەڭگە بولاتىن 16 جوبا جۇزەگە اسىرىلىپ، 4 344 ادام جۇمىسپەن قامتىلادى دەپ جوسپارلانىپ وتىر.