قاراعاندىلىق مەكتەپ وقۋشىسى داريا اندرەيچەنكو مايكراسوفت كومپانياسىنىڭ نەگىزىن قالاۋشى بيلل گەيتس تاعايىنداعان گرانتتى قازاقستان وقۋشىلارى اراسىنان العاشقى بولىپ يەلەنىپ وتىر، - دەپ حابارلايدى «قامشى» پورتالى «حابار» ارناسىنا سىلتەمە جاساپ.

داريا اندرەيچەنكو بىزدەگى ۇلتتىق ءبىرىڭعاي تەستتىڭ امەريكاندىق بالاماسى سات سىناعىنا ءوز بەتىنشە دايىندالعانىن ايتادى. ول سىناق تاپسىرار الدىندا ونلاين-سۇحباتتاسۋدان وتكەن.

ەندى ول الەمنىڭ ەڭ تانىمال جوعارى وقۋ ورىندارىنىڭ ءبىرى ديۋكا ۋنيۆەرسيتەتىندە ءبىلىم الاتىن بولادى.

«بۇل ۋنيۆەرسيتەتكە 32000 ادامنىڭ تەك 1700ء-ى عانا تۇسە الادى ەكەن. ال، وسى شاكىرتاقى بويىنشا وقۋ باقىتى جىل سايىن الەم بويىنشا تەك 8 تالاپكەرگە بۇيىرادى ەكەن. ماعان وقۋعا ءتۇستىڭ دەگەن حات كەلگەندە جانە شاكىرتاقى ءفيناليستى ەكەنىمدى ەستىگەندە سەنبەي، ءازىل شىعار دەپ قابىلدادىم»، - دەيدى داريانىڭ ءوزى.

ءبىراق، داريا قاتارلاستارىمەن بىرگە الداعى ۇلتتىق ءبىرىڭعاي تەستىلەۋگە دايىندىقتان سىرت قالمايتىنىن ايتادى. وسى رەتتە داريا اندرەيچەنكونىڭ مانەرلەپ سىرعاناۋدان بىرنەشە دۇركىن قازاقستان مەن رەسەي چەمپيونى ەكەنىن دە ايتا كەتۋ كەرەك.