قازىرگى باتىس عالىمدارىنىڭ (ىشىندە مۇسىلماندارى دا بار) جەتىستىكتەرى تۋرالى اڭگىمە شىقسا بولدى، "پوي، سول دا ءسوز بوپ پا؟ باتىس ءبارىن شىعىستان ۇيرەنگەن. كەزىندە حاليف مامۋننىڭ ءبايت ۋل-حيكماسىندا ەڭبەك ەتكەن عۇلامالارىمىزدىڭ سالىپ بەرگەن جولىن پايدالانىپ جاتىر عوي بۇلار" دەيتىندەر وتە كوپ. وسىنداي اڭگىمە ايتاتىن كەيبىر ادامداردى سول حاليف مامۋننىڭ زامانىنا اپارىپ، ءبايت ۋل-حيكمانىڭ ىشىنە كىرگىزىپ جىبەرسە، ءال-فارابيدى "مۋزىكالىق اسپاپقا تابىنعان شيركتىڭ اتاسى"، ءال-بيرۋنيدى "كاپىر ءۇندىنى ماقتاعان قاڭعىباس ديۋانا"، ال-حورەزميدى "جيھادتان جۇلدىزدى جوعارى قويعان جارىمەس"، ءال-عازاليدى "تاۋحيدكە قارسى شىعۋشى بيدعانىڭ باسى" دەپ اتاپ، ءبارىن "اريستوتەلدى ءپىر تۇتقان ءدىنبۇزار"، "باتىستىڭ قۋىرشاقتارى" دەپ جاريالاپ، رەتى كەلسە دارعا اسۋ جازاسىن سۇرار ەدى.  عىلىم مەن تەحنولوگيا جاڭارىپ، وزگەرىپ تۇرادى. كەرتارتپانىڭ مىنەزى وزگەرمەيدى.