«قازعارىش» قازاقستاننىڭتاپسىرىسىمەن جاسالعان قوس جەردى قاشىقتان زوندتاۋ اپپاراتىن فرانسيانىڭ «كۋرۋ» عارىش ايلاعىنان ۇشىراتىن بولدى. بۇل تۋرالى بۇگىن الماتىدا وتكەن «عارىش: عىلىم جانە تەحنولوگيا» اتتى كەڭەس بارىسىندا ق ر ۇلتتىق عارىش اگەنتتىگىنىڭ باسشىسىتالعات مۇسابايەۆ ايتتى.

«بيىل قازاقستان 3 عارىشتىق اپپارات: «KazSat-3» بايلانىس اپپاراتى مەن 2 جەردى قاشىقتان زوندتاۋ اپپاراتىن ۇشىرماق. اتالعان اپپاراتتاردى قازاقستاننىڭ تاپسىرىسى بويىنشا فرانسۋزدىق Defence and Space كومپانياسى جاساپ شىعارعان. جەردى قاشىقتان زوندتاۋ اپپاراتتارى فرانسيانىڭ «كۋرۋ» عارىش ايلاعىنان ۇشىرىلادى»،- دەپ مالىمدەدى ت. مۇسابايەۆ.

ونىڭ ايتۋىنشا، جەردى باقىلاۋ اپپاراتى كەڭىستىكتى بارلاۋدا مۇمكىندىگى وتە جوعارى سپۋتنيك بولىپ تابىلادى. ول تابيعي جانە اۋىلشارۋاشىلىق رەسۋرستارىن باقىلاۋعا ءارى كارتوگرافيالىق دەرەكتەردى جيناۋعا ارنالعان.

«قازىرگى تاڭدا دامۋشى مەملەكەت عارىشتىق تەحنولوگيالارعا يە بولۋى شارت. تەلەارنالار مەن ۇيالى بايلانىس، كەڭ جولاقتى ينتەرنەت، ناۆيگاسيا بارلىعى سپۋتنيكتەر ارقىلى جۇمىس ىستەيدى. بىزدە عارىش سالاسىنىڭ دامۋ قارقىنى وتە جوعارى»، - دەپ قورىتىندىلادى ت.مۇسابايەۆ.