«جولاۋشىلار تاسىمالى» اكسيونەرلىك قوعامى تەمىرجول بيلەتتەرىنىڭ قىمباتتايتىنىن مالىمدەدى، - دەپ حابارلايدى «قامشى» پورتالى.
«ق ر ۇلتتىق ەكونوميكا مينيسترلىگى تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ 2016 جىلعى 14 ساۋىردەگى قۇلاقتاندىرۋى نەگىزىندە «جولاۋشىلار تاسىمالى» اق پايدالانۋ شىعىندار باعاسىنىڭ وسۋىنە بايلانىستى جانە شىعىنداردى ازايتۋ ماقساتىندا تەمىرجولدا جول ءجۇرۋ بيلەتتەرىنىڭ 2016 جىلعى 25 ساۋىردەن باستاپ قىمباتتايتىنىن حابارلايدى: وبلىسارالىق قاتىناس جولدارىندا تەمىرجول كولىگىمەن جولاۋشىلار تاسىمالداۋ بارلىق تيپتەگى ۆاگوندار ءۇشىن 10 پايىزعا قىمباتتايدى»، - دەلىنگەن كومپانيانىڭ باسپا ءسوز قىزمەتى تاراتقان حابارلامادا.
كومپانيا بۇعان دەيىن ءتاريفتىڭ 2014 جىلى 1 قاڭتاردا 7 پايىزعا كوتەرىلگەندىگىن دە جاسىرماعان.
ال، «تۇلپار-تالگو» پويىزدارىنىڭ بيلەتتەرىن ساتۋداعى ارنايى تاريفتەر ءوز كۇشىندە قالادى.
