26 مامىردا ەلىمىزدىڭ كينوتەاتر ەكراندارىنا Disney ستۋدياسىنىڭ "اليسا اينانىڭ ارعى بەتىندە" ءفيلمىنىڭ قازاقشاعا اۋدارىلعان نۇسقاسى شىعادى، - دەپ حابارلايدى  Qamshy.kz پورتالى Tengrinews.kz  –كە سىلتەمە جاساپ.  

بۇل ليۋيس كەرروللدىڭ ەستەن كەتپەس كەيىپكەرلەرىنىڭ قىزىقتى وقيعاسى جايلى فيلم. اليسا ءوزىنىڭ ەلەستەتكەن جەراستى الەمىنە قايتىپ كەلىپ، قالپاقشىنى قۇتقارۋ ءۇشىن وتكەن ومىرىنە ساياحات جاسايدى. كارتينانىڭ رەجيسسەرى دجەيمس بوبين "اليسا عاجايىپتار الەمىندە" فيلمىندە ءوزىنىڭ ومىرگە دەگەن ەرەكشە كوزقاراسىن كورسەتەدى. ءفيلمنىڭ سەنارييىن ليندا ۆۋلۆەرتون ليۋيس كەرروللدىڭ ويلاپ تاپقان كەيىپكەرلەرى نەگىزىندە جازعان.

قازاقشاعا اۋدارىلعان نۇسقانىڭ رەجيسسەرى ايجان ءجامشىتوۆا، بۇدان بۇرىن ول "دجۋنگلي كىتابى"، "كۇلبيكەش"، "مالەفيسەنتا" فيلمدەرىندە جانە "كولىكتەر" اتتى انيماسيالىق ءفيلمىنىڭ دۋبلياجىنا قاتىسقان. دۋبلياجداۋ جۇمىستارى وتاندىق Aray مedia Group كاسىبي دىبىس جازۋ ستۋدياسىندا، ال اقتىق دۋبلياجداۋ جۇمىستارى لوندونداعى Shepperton ستۋدياسىندا ىسكە اسىرىلدى.

ءفيلمدى دۋبلياجداۋعا قازاقستاندىق 20-دان اسا اكتەر قاتىستى. ولار "اليسا ۆ زازەركالە" ("اليسا اينانىڭ ارعى بەتىندە") كارتيناسىنىڭ باستى كەيىپكەرلەرىن دىبىستادى: نازەركە سەرىكبولوۆا (اليسا كينگسلي)، نارتاي ساۋدانبەك ۇلى (ۋاقىت)، داۋرەن سەرعازين (قالپاقشى تاررانت حايتوپ)، اينۇر بەرمۇحامبەتوۆا (يراسەبەتا)، ءساندى قارشالوۆا (ميرانا)، مايرا ومار (حەلەن كينگسلي)، دانيار سۆانقۇلوۆ (حاميش)، بەكبولات قۇرمانعوجايەۆ (ۆيلكينس)، ءساعادىلدا ۇسىپبالييەۆ (زانيك حايتوپ)، بەيبىت قۇسانبايەۆ (ماكتۆيسپ)، قىمبات تىلەۋوۆا (ماليامكين)، شاح-مۇرات وردابايەۆ (تەكيري).