الماتىداعى كاراوكە-بارلاردىڭ ءبىرىنىڭ قىزمەتكەرلەرى پريتون ۇيىمداستىرعان، - دەپ حابارلايدى Qamshy.kz پورتالى قالانىڭ ءىىد باسپا ءسوز قىزمەتىنە سىلتەمە جاساپ.
ۇيىمداسقان قىلمىستىق توپپەن كۇرەس باسقارماسىنىڭ قىزمەتكەرلەرىنىڭ باستاپقى بولجامى بويىنشا، زاڭسىز ارەكەتكە كاراوكە-باردىڭ 36 جاستاعى ديرەكتورى جەتەكشىلىك ەتكەن. قىلمىستىق ءىس بويىنشا جالپى التى ادام كۇدىكتى رەتىندە قۋدالانىپ وتىر.
"ارنايى وپەراسيا كەزىندە بەس ايەل مەن ءبىر ادام ۇستالدى، ولار پريتون ۇيىمداستىرىپ، جەڭگەتايلىقپەن اينالىسقان، ياعني بارعا كەلۋشىلەرگە قىزداردىڭ ينتيم قىزمەتىن اقشالاي سىياقى ءۇشىن ۇسىنۋمەن اينالىسقان"، - دەپ حابارلادى الماتى قالالىق ءىىد رەسمي وكىلى سالتانات ازىربەك.
بۇل دەرەك سوتقا دەيىنگى تەرگەۋدىڭ ءبىرىڭعاي رەەسترىندە "جەزوكشەلiكپەن اينالىسۋعا ارنالعان پريتوندار ۇيىمداستىرۋ نەمەسە ولاردى ۇستاۋ جانە جەڭگەتايلىق" بابى بويىنشا تىركەلدى. قازىرگى ۋاقىتتا قىلمىستىق توپتىڭ وزگە دە زاڭسىز ارەكەتتەرىن انىقتاۋعا ارنالعان جەدەل جانە تەرگەۋ شارالارىنىڭ كەشەنى ءوتىپ جاتىر.
پىكىر قالدىرۋ