وسى اتالعان مەرزىمنەن باستاپ بايتەرەك بەينەلەنگەن كەي تەڭگەلەر كۇشىن جويادى. ولار 2006 جانە 2011 جىلدارى باسىپ شىعارىلعان كۋپيۋرالار دەپ حابارلايدى كتك ارناسى.

ءبىراق اينالىمنان شىققان تەڭگەلەردى بانكتەر حالىقتان قابىلداپ، ولاردى اۋىستىرۋعا مىندەتتى. ال ۇلتتىق بانك بۇل قىزمەتتى 2020 جىلدىڭ سوڭىنا دەيىن جالعاستىرماق.

ايتا كەتەيىك، بانكنوتتاردى قابىلداۋدان باس تارتۋ اكىمشىلىك قۇقىق بۇزۋ بولىپ سانالادى. بۇل ءۇشىن شاعىن كاسىپكەرلەرگە 10، ورتا بيزنەس وكىلدەرىنە 20، ال ءىرى بيزنەس ورىندارىنا 50 مىڭ تەڭگە كولەمىندە ايىپپۇل سالىنادى.

"ءبىز تازا اقشا ساياساتىن ۇستانامىز. ياعني، 2 جانە 5 مىڭدىق كۋپيۋرالار ءاربىر 3 جىلدا، ال 10 مىڭدىق 5 جىلدان سوڭ اۋىستىرىلىپ وتىرۋى ءتيىس. وسى ۋاقىت كەزەڭىندە قاعاز توزادى، ونىڭ بوياۋى كەتىپ، ءتۇرلى داق ءتۇسۋى مۇمكىن"، - دەيدى ۇلتتىق بانكتىڭ قولما-قول اقشامەن جۇمىس جۇرگىزۋ باسقارما باسشىسىنىڭ ورىنباسارى اندرەي بالاحمەتوۆ.