تاشكەنت قالاسىنىڭ «يستيكلول» كونسەرت زالىندا 4 مىڭ كورەرمەننىڭ قاتىسۋىمەن جامبىل جابايەۆتىڭ 170 جىلدىعى مەن الىشەر ءناۋايدىڭ 575 جىلدىعىنا ارنالعان حالىقارالىق ايتىس بولىپ ءوتتى. بۇل تۋرالى ق ر ءسىم باسپا ءسوز قىزمەتىنەن حابارلادى.

ايتىسقا ولەڭ جانرىنىڭ 14 جاس ءارى تاجىريبەلى شەبەرى قاتىستى. شارا دوستىق، قىزىقتى ءارى تانىمدىق ورتادا ءوتتى، قاتىسۋشىلار شەبەر سۋىرىپ سالما ونەرىن، تاپقىرلىعىن تانىتا ءبىلدى.

اتالعان مادەني شارانىڭ جەڭىمپازدارى: جارقىنبەك ناۋشابەكوۆ (باس جۇلدە، سارىاعاش قالاسى)؛ قۇلماحان دۇيسەنوۆ (1ء-شى ورىن، وزبەكستان رەسپۋبليكاسى)؛ انار جاپارقۇلوۆا (2ء-شى ورىن، شىمكەنت قالاسى)؛ 3ء-شى ورىندى نۇرلان ەسەنقۇلوۆ (شىمكەنت قالاسى) مەن ءبىرجان بايتۋوۆ (تاراز قالاسى) ءوزارا ءبولىستى.

ايتىستىڭ بارلىق قاتىسۋشىلارىنا قازاقستان رەسپۋبليكاسىنىڭ وزبەكستانداعى ەلشىلىگى ەستەلىك سىيلىقتار مەن كادەسىيلار تابىستادى. جۇلدەلى ورىنداردىڭ يەلەرىنە اقشالاي سىيلىقتار بەرىلدى.