بۇگىن الماتىدا ۇلتتىق باسپا ءسوز كلۋبى الدىندا جەر ماسەلەسىنە قاتىستى ميتينگ وتكىزۋگە رۇقسات سۇرايتىندارى تۋرالى باسپا ءسوز جيىنىن وتكىزبەك بولعان 10-عا تارتا بەلسەندىنى پوليسيا ۇستاپ اكەتتى، - دەپ حابارلايدى Qamshy.kz پورتالى.

جيىن ساعات 11-دە ءوتۋى ءتيىس بولعان. ءبىراق جيىن باستالاتىن ۋاقىت تاياعاندا پوليسيا كەلىپ، ونى ۇيىمداستىرۋشىلاردىڭ ءبىرى مارجان اسپاندياروۆادان تۇسىنىكتەمە جازۋدى تالاپ ەتتى. بەلسەندى ونى جازۋدان باس تارتتى.

بىرەر مينۋتتان سوڭ كلۋب الدىنا پوليسيا جاساعى كەلىپ، ساياساتكەرلەر مارجان اسپاندياروۆا، ءامىرجان قوسانوۆ، بەلسەندىلەر جانبولات ماماي، ينگا يمانباي، عالىم اعەلەۋوۆ، جۋرناليست ەرمۇرات ءباپي مەن قارسىلىق تانىتقان تاعى ەكى-ۇش ادامدى كۇشپەن كولىكتەرگە مىنگىزىپ الىپ كەتتى.

ال باسپا ءسوز جيىنىنا دەيىن جۋرناليست رىسبەك سارسەنباي مەن قوعامدىق بەلسەندى مۇحتار تايجاندى دا پوليسيا ۇستاپ اكەتكەنى حابارلانعان بولاتىن.

ايتا كەتەيىك، ۇيىمداستىرۋشى بەلسەندى توپ  كەشە "باسپا ءسوز جيىنىندا "جەرىمىزدى قورعايمىز - انا ءتىلىمىزدى ساقتايمىز!" دەگەن اتپەن الماتىدا جالپىحالىقتىق ميتينگ وتكىزۋگە رۇقسات سۇراۋ تۋرالى قالا اكىمدىگىنە ءوتىنىش بەرۋ ماسەلەسىن تالقىلايتىندارىن" حابارلاعان ەدى.