ءال-فارابي اتىنداعى قازاق ۇلتتىق ۋنيۆەرسيتەتىندە جىل سايىن ءداستۇرلى تۇردە وتكىزىلەتىن «Miss KاzNU – 2016» بايقاۋى ءوز مارەسىنە جەتتى. ەكى ايعا سوزىلعان بايقاۋ ناتيجەسى بويىنشا 200 ۇمىتكەردىڭ اراسىنان 16 ارۋ ىرىكتەلىپ، اقتىق فينالدا ءوز ونەرلەرىن پاش ەتتى، - دەپ حابارلايدى Qamshy.kz.

مەرەكەلىك جيىننىڭ باسىن قازۇۋ رەكتورى عالىمقايىر مۇتان ۇلى اشتى. ول: «ءبىزدىڭ ستۋدەنتتەرىمىز كوكتەم مەزگىلىندە «Miss KاzNU – 2016» بايقاۋىن تاعاتسىزدانا كۇتەدى. بۇگىنگى مەرەكەمەن بارشاڭىزدى شىن جۇرەكتەن قۇتتىقتاعىم كەلەدى. Aتاۋلى مەرەكە تەك قانا سۇلۋلىق بايقاۋى ەمەس، بۇل سىننىڭ قاتىسۋشىلارعا بەرەر تاربيەلىك ءمانى دە زور. «سۇلۋلىق الەمدى قۇتقارادى»،- دەيدى ەمەس پە، وسى تۇستا سۇلۋلىقتى شىڭىراۋ شىڭعا تەڭەۋگە بولادى. كەز كەلگەن ادام وركەندەگەندە ەڭ ۇزدىگىنە قاراپ بوي تۇزەيدى، ەڭ وزىعىن ۇلگى ەتەدى. ارينە، بۇل تۇستا تەك قانا سىرتقى سۇلۋلىق ەلەنبەۋى ءتيىس، سول سىرتقى ءپىشىن مەن ىشكى سۇلۋلىق تا بايلانىسىپ ءبىر جايلى گارمونيادا بولۋى ءتيىس»، - دەپ اتاپ ءوتتى.

سۇلۋلىق پەن ونەر جارىستىرعان بايقاۋدا قاتىسۋشىلارىمىز سالەمدەسۋ، دەفيلە، ينتەللەكتۋالدى  جانە شىعارماشىلىق سايىس سىندى ءتورت ءبولىم بويىنشا ب ا ق سىنادى. Aلدىمەن قاتىسۋشىلار وزدەرىن ۆيدەوتۇسىرىلىم ارقىلى قازاق، ورىس، اعىلشىن تىلدەرىندە تانىستىرىپ وتسە، ەكىنشى تۋردا «Event dress» سالونى ۇسىنعان ادەمى كويلەكتەرمەن دەفيلە كورسەتتى. ءسانى مەن سىمباتى كەلىسكەن ارۋلارىمىز ءۇشىنشى ءبولىم – ينتەلەكتۋالدى سىندا دا دەس بەرمەي، قويىلعان سۇراقتارعا مۇدىرمەستەن جاۋاپ بەردى. ال بايقاۋدىڭ باستى تالاپتارىنىڭ ءبىرى سوڭعى كەزەڭ - ونەر سايىسىندا ءبىرى گۇلناز بەن ورالدىڭ ماحابباتىن سومداسا، ەندى ءبىرى اسپانعا كوتەرىلىپ ءان شىرقادى. ءبىرى مىڭ بۇرالا شىعىس ءبيىن بيلەسە، ءبىرى مايكل دجەكسوننىڭ ستيلىندە ونەر كورسەتتى.  

Aتالمىش سىنعا قازاق ەستراداسىنىڭ ارتىستەرى، كاسىبي فوتوگراف-ستيليستەر، ۋنيۆەرسيتەت جاستار ۇيىمىنىڭ باسشىلىعى قازىلىق ەتتى. ءادىل-قازىلار شەشىمى بويىنشا 16 ۇمىتكەردىڭ اراسىنان سۋىرىلىپ شىعىپ حالىقارالىق قاتىناستار فاكۋلتەتىنىڭ ستۋدەنتى جانەركە Aءمىرزادانوۆا ەكىنشى ۆيسە-ميسس اتانسا، ءبىرىنشى ۆيسە-ميسس تيتۋلىن شىعىستانۋ فاكۋلتەتىنىڭ ستۋدەنتى Aقديدار سۇلتانوۆا يەمدەندى. ال بايقاۋدىڭ شىن جۇيرىگى دەپ تانىلىپ، «Miss KazNU – 2016» اتاعىن حيميا جانە حيميالىق تەحنولوگيالار فاكۋلتەتىنىڭ ستۋدەنتى شىرىن Aقپار جەڭىپ الدى. وزگە قاتىسۋشىلار دا نازاردان تىس قالمادى. بارلىق قاتىسۋشىلارعا ءار ءتۇرلى نوميناسيالار تاعايىندالىپ، قۇندى سىيلىقتار تارتۋ ەتىلدى.