قازاقستان التىن مەن الماز جانە وزگە دە باعالى مەتالدار كەنىشىن اۋكسيون ارقىلى ساتقالى جاتىر. جالپى ساتىلىمعا 101 جەر تەلىمى شىعارىلادى. ولاردىڭ قاتارىندا التىننان بولەك مىس، مارگانەس جانە وزگە دە ءتۇسى مەتالل كەنىشتەرى بار دەپ  حابارلايدى Qamshy پورتالى Informburo.kz. سايتىنا سىلتەمە جاساپ. 

قازاقستاندا جەر قويناۋىن اۋكسيون ارقىلى ساتۋ شاراسى اعىمداعى جىلدىڭ 16 ماۋسىمىنا جوسپارلانعان. اۋكسيون حالىقارالىق تاۋ-كەن-مەتاللۋرگيا كونگرەسى اياسىندا جۇرگىزىلەدى دەلىنگەن كونگرەستىڭ رەسمي سايتىندا.

ءباسساۋداعا شىعارىلاتىن 101 لوتتىڭ ىشىندە جەر بەتىندە سيرەك كەزدەسەتىن مەتالدار مەن باعالى تاستاردىڭ كەنىشتەرى دە بار. اتاپ ايتقاندا، الماز، ليتيي، التىن، مارگانەس، قالايى، مىس، تەمىر جانە وزگە دە باعالى مەتالدار.

اۋكسيوندا كىم جوعارى قۇن ۇسىنادى - سول جەڭەدى. ءبىرىنشى بولىپ اقمولا وبلىسىنداعى "كومسومولسكيي" التىن كەنىشى ساۋداعا شىعارىلماق. ونىڭ باستاپقى باعاسى - 9 436 000 تەڭگە. ال، سيرەك كەزدەسەتىن مەتالدار مەن سقو-داعى "قاراتال" الماز كەنىشىنىڭ ەڭ باستاپقى باعاسى 280 اەك-تەن كەم بولماۋى ءتيىس. اۋكسيونعا قاتىسۋعا ءوتىنىم بەرۋ 2016 جىلدىڭ 26 مامىرىنا دەيىن جالعاسپاق.

اۋكسيوندا جەڭىسكە جەتىپ، جەر قويناۋىن يەلەنگەن ازاماتقا مىندەتتى سالىق تولەمدەرى جۇكتەلەدى جانە 30 تاۋلىك ىشىندە كەلىسىلگەن قاراجاتتىڭ 50 پايىزىن تولەۋى ءتيىس.