ق ر بايلانىس جانە اقپارات اگەنتتىگىنىڭ جاۋاپتى حاتشىسى بولىپ ارپابايەۆ بەك كارىمبەك ۇلى تاعايىندالدى دەپ حابارلايدى «SKIFNEWS.KZ».
1976 جىلى دۇنيەگە كەلگەن بەك كارىمبەك ۇلى قازاق مەملەكەتتىك اگرارلىق ۋنيۆەرسيتەتىنىڭ «ەكونوميكا جانە مەنەدجمەنت»، قازاقستان-رەسەي ۋنيۆەرسيتەتىنىڭ «ەسەپتەۋ تەحنيكاسى جانە باعدارلامالىق قامتاماسىز ەتۋ» فاكۋلتەتتەرىن ءتامامداعان. ەڭبەك جولىن 1997 جىلى باستاعان. ءار جىلدارى «قازاگروپرومبانك» اتاق-نىڭ سەمەي قالالىق بولىمىندە ەكونوميست، «ارمان» ج ش س ديرەكتورىنىڭ كوممەرسيالىق ماسەلەلەر بويىنشا ورىنباسارى، ق ر كولىك جانە كوممۋنيكاسيا مينيسترلىگى قارجىلىق رەتتەۋ دەپارتامەنتىنىڭ بيۋدجەتتىك رەتتەۋ باسقارماسىنىڭ باستىعى قىزمەتتەرىن اتقارعان. 2003-2007 جىلدارى ارالىعىندا ق ر كولىك جانە كوممۋنيكاسيا مينيسترلىگى قارجىلىق رەتتەۋ دەپارتامەنتىنىڭ بيۋدجەتتىك رەتتەۋ باسقارماسىنىڭ باستىعى، ق ر اقپاراتتاندىرۋ جانە بايلانىس جونىندەگى اگەنتتىگى قارجىلىق رەتتەۋ باسقارماسىنىڭ باستىعى، ق ر اقپاراتتاندىرۋ جانە بايلانىس جونىندەگى اگەنتتىگى قارجىلىق-ەكونوميكالىق تالداۋ جانە اكىمشىلىك باسقارۋ دەپارتامەنتىنىڭ ديرەكتورى لاۋازىمدارىن اتقارعان. 2007-2010 جىلدار ارالىعىندا «قازاقتەلەكوم» اق-ىندا اتقارۋشى ديرەكتور، سوڭىنان باسقارۋشى ديرەكتور قىزمەتىن اتقارعان. 2010 جىلعى شىلدە ايىندا ق ر بايلانىس جانە اقپارات مينيسترلىگى اقپارات جانە مۇراعات كوميتەتى ءتوراعاسىنىڭ ورىنباسارى قىزمەتىنە تاعايىندالدى. بۇگىنگى تاعايىنداۋعا دەيىن ق ر كولىك جانە كوممۋنيكاسيا مينيسترلىگى حقكو قىزمەتىن ۇيلەستىرۋ جانە مەملەكەتتىك قىزمەتتەردى اۆتوماتتاندىرۋدى باقىلاۋ كوميتەتى ءتوراعاسىنىڭ ورىنباسارى قىزمەتىن اتقاردى.
PS. سوڭعى كەزدەرى قازاقستاندىق اقپارات كوزدەرى عالامتورعا بەيىمدەلۋدە. سوندىقتان بەك مىرزا "بولام دەگەن سايتتىڭ، بەتىن قاقپاي بەلىن بۋار" دەپ سەنەمىز.
