قازىرگە  دەيىن ۇيىمعا بىرىگۋگە تىلەكتەس عالىمدار، بارلىق ونەرپاز تۇلعالار مەن مەملەكەتتىك،قوعامدىق قايراتكەرلەر، جۋرناليستەر ءار وڭىردە ورتاق جوبانى ناۋرىز-فەست (توعىزكۇندىك فەستيۆال) ۇيىمداستىرۋدا. اقتوبەلىك ريكا تەلەارناسى قولعا العانىن جاڭاگۇل ءجۇرسىن جەتكىزدى. قۇتپاراق بەزەندىرۋ بويىنشا بەلگىلى استانالىق سۋرەتشى اڭسا مۇستافا مەن الماتىلىق ديزاينەر سۆەتلانا پوپوۆا (ۆەتا) قازاقى بوياۋعا تولى، مازمۇنعا باي تۋىندىلارىن جاريالاپ ءجۇر. ال، اكىمشىلىك توبىنداعى بەرىك ءۋاليدىڭ سەپتىگىمەن، وقو ەكىباستان وبلىس اكىمى ا.مىرزاحمەتوۆتىڭ قولداۋىمەن بيىل دا كىرىسىپ كەتتى. شقو جەتىۇندىك ناۋرىزدى قولعا الدى دەپ ەستىدىك. مەملەكەتتىك ۇيىمدار توبىنداعى كومپانيالار، جوو، مەكتەپتەر، كوللەدجدەر، ليسەيلەر، بالاباقشالارعا ءتيىستى سەنارييلەر سۇرانىس بويىنشا تاراتىلۋدا. سەناريي سۇراۋشىلار ىشىندە ق ر بعم  عىلىم كوميتەتى دە بار. ازىرگە بيزنەس-قۇرىلىم تاراپىنان مىناداي ەكى باعىتتىڭ ءبىرى دە قوزعالعان جوق. ناۋرىزدى مەرەكەلەۋگە قاتىستى اتريبۋتتاردى ازىرلەۋگە، ناسيحاتتاۋعا قاجەتتى شىعىندارعا دەمەۋشىلىك كورسەتۋ،  ناۋرىز مەيرامىنا قاتىستى سۇرانىس تۋدىراتىن كوممەرسيالىق ونىمدەر مەن جوبالاردى اتقارۋعا ينۆەستور بولۋ جاعىنان  ازاماتتارىمىز ءالى  ءۇنسىز.