قوعامدىق ورتادا قوتىر-قوراش مالىمدەمەلەرىمەن قوعامنىڭ تالقىسىنا ءتۇسىپ جۇرگەن قاراعۇسوۆا حانىم باق-قا بەرگەن سۇحباتتارىن بۇرمالاعانى ءۇشىن جۋرناليستەرگە كەزەكتى رەت وكپە رەنىشىن جاريا ەتتى.
تىلشىلەرگە بەرگەن سۇحباتىندا «ءبىزدىڭ سوۆەت وداعىندا» دەپ سويلەگەن دەپۋتات تۋرالى Abai.kz سايتى جازادى.
دەپۋتات حانىمنىڭ ايتۋىنشا، ونىڭ سويلەگەن سوزدەرىن بۇرمالاپ، جۇرتقا جەكسۇرىن ەتىپ كورسەتكەن جۋرناليستەردىڭ دەنى شالا ساۋاتتى ەكەن.
«ءقازىر وكىنىشكە وراي كوپتەگەن ەلدەردەگىدەي كونتەكستەن كەسىپ الىپ، ونى ساراپتامايتىن (انىق-قانىعىنا جەتپەي – رەد.) ءۇردىس قالىپتاستى. جالپى، سىزدەر، جۋرناليستەر ەڭ مىقتى ساراپتاماشى بولۋلارىڭىز كەرەك قوي. مەن وسىنى ءاردايىم ايتىپ كەلەمىن. «پوەتومۋ ۋ ناس ۆ سوۆەتسكوم سويۋزە پروفەسسيا جۋرناليستا پيات لەت، ا ۆووبششە سناچالا پولۋچاەت بازوۆۋيۋ پروفەسسيۋ. ون مەجدۋنارودنيك يلي ەكونوميست، يلي يۋريست ي پوتوم تولكو ستانوۆيتسيا وبوزريەۆاتەلەم»، - دەدى قاراعۇسوۆا.
«قاراقۇسوۆا حانىمنىڭ بۇل ايتقاندارىن سوزبە-سوز اۋداراتىن بولسا، «سوندىقتان ءبىزدىڭ سوۆەت وداعىندا جۋرناليستەردى دايىنداۋعا 5 جىل ۋاقىت كەرەك بولعان..، » دەگەنگە سايادى. سوندا قازاقستاننىڭ جاڭا سايلانعان ماجىلىسىندەگى بىلدەي ءبىر قارجى جانە بيۋدجەت كوميتەتىنىڭ ءتورايىمى قازاقستان رەسپۋبليكاسىنىڭ تاۋەلسىز مەملەكەت ەكەنىن بىلمەي مە دەگەن زاڭدى سۇراق تۋادى.
