مەملەكەت باسشىسىنىڭ جارلىعىمەن اسكەري جانە قىزمەتتىك مىندەتىن اتقارۋ كەزىندەگى قازاقستان رەسپۋبليكاسى الدىنداعى ەرەن ەڭبەگى، ەرلىگى مەن باتىلدىعى ءۇشىن ۇشقىش دميتريي رودين مەن ق ر ۇلتتىق ۇلان ساردارى قايرات ۇمبەتوۆكە «حالىق قاھارمانى» اتاعى بەرىلدى، - دەپ حابارلايدى Qamshy.kz.

«قازاقستان رەسپۋبليكاسىنىڭ مەملەكەتتىك ناگرادالارىمەن ناگرادتاۋ تۋرالى

قازاقستان رەسپۋبليكاسى پرەزيدەنتىنىڭ جارلىعى

قاۋلى ەتەمىن:

1.       قازاقستان رەسپۋبليكاسىنا سىڭىرگەن اسا ۇزدىك ەڭبەگى، اسكەري جانە قىزمەتتىك بورىشىن اتقارۋ ۇستىندە كورسەتكەن ەرلىگى مەن جانقيارلىعى ءۇشىن:

جوعارى دارەجەلى ەرەكشەلىك بەلگىسى - «حالىق قاھارمانى» اتاعى بەرىلىپ، ايرىقشا ەرەكشەلىك بەلگىسى - التىن جۇلدىز بەن «وتان» وردەنى تاپسىرىلسىن:  

رودين دميتريي ولەگوۆيچكە - «Fokker - 100» اۋە كەمەسىنىڭ كومانديرى، الماتى قالاسى

ۇمبەتوۆ قايرات جارىلقاسىنۇلىنا - ۇلتتىق ۇلان «ورتالىق» وڭىرلىك قولباسشىلىعىنىڭ شتاب باستىعى - 6505 اسكەري ءبولىمى كومانديرىنىڭ ءبىرىنشى ورىنباسارى.

2.       وسى جارلىق قول قويىلعان كۇنىنەن باستاپ قولدانىسقا ەنگىزىلەدى» دەلىنگەن پرەزيدەنت جارلىعىندا.