3 مامىر كۇنى قوجا-احمەت ياسساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ مادەنيەت ورتالىعى زالىندا زۋقا باتىر ءسابيت ۇلىنىڭ 150 جىلدىق مەرەيتويىنا ارنالعان علىمي كونفەرەنسيا ءوتتى، - دەپ حابارلايدى Qamshy.kz.

ەستەرىڭىزگە سالا كەتەيىك، 20-24 ءساۋىر ارالىعىندا قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىندە الاش ارداگەرى زۋقا باتىر ءسابيت ۇلىنىڭ 150 جىلدىق مەرەيتويىنا وراي تۇركى دۇنيەسى جاستارىنىڭ فۋتبول، باسكەتبول، قول كۇرەس، قىزدار ۆولەيبولى، گير كوتەرۋ سياقتى سپورت ويىندارىنان دوستىق سپورت اپتالىعى وتكەن بولاتىن.

بۇل شاراعا 20-دان اسا تۇرىك تىلدەس ۇلتپەن ۇلىس وكىلدەرى جاستارى بەلسەنە قاتىستى. جارىستىڭ اشىلۋ سالتاناتىندا ءسوز العان ۆيسە-پرەزيدەنت، پروفەسسور ب.مۇحامەدجانوۆ باتىر بابامىزدىڭ ەرلىكتەرى تۋرالى دەرەك، داستاندار كەڭ تارالعىندىعىن، جاس ۇرپاققا كەڭ كولەمدە ناسيحاتتالۋ كەرەكتىگىن اتاپ ءوتتى.

اتالمىش شارا 3-مامىر كۇنى كونفەرەنسياعا ۇلاستى. شاراعا تۇركى دۇنيەسى جاستارى جانە وقىتۋشى-پروفەسسورلار قاتىستى. عىلىمي-تانىمدىق كونفەرەنسيانىڭ اشىلۋ سالتاناتىندا ءسوز العان عىلىم جانە يننوۆاسيالىق ىستەر جونىندەگى ۆيسە-پرەزيدەنت، پروفەسسور ت.رايمبەردييەۆ ەل، جەر، تاۋەلسىزدىك جولىندا قۇربان بولعان زۋقا باتىردىڭ ۇلىقتاۋ شارالارى الەمنىڭ 11 ەلىندە اتالىپ ءوتىپ جاتقاندىعىن، وسى كونفەرەنسيا بارىسىندادا ۇلكەن تولعامدى وي-پىكىرلەر ايتىلاتىندىعىن اتاپ ءوتتى. سونداي-اق، پروفەسسور ت.رايمبەردييەۆ جالپى شارانى ۇيىمداستىرعان جاستارعا العىس ايتتى. دوسەنت ە.اديلبەكوۆا عىلىمي بايانداماسىندا قازاق-تۇرىك تىلدەرىنە جالپى باتىردىڭ ەرلىكتەرى، ءومىربايانى تۋرالى داستانداردى تالداپ ءوتتى. سونىمەن قاتار، جاس عالىمدار، قوناقتار ءسوز الدى.

دۇنيەجۇزى قازاقتارى قاۋىمداستىعى اقساقالدار القاسىنىڭ مۇشەسى، زۋقا باتىردىڭ نەمەرەسى ارىستان قاجى شادەت ۇلى جاستارعا باتىردىڭ ومىرىنەن قىسقاشا ەستەلىك عيبراتتار ايتتى. وسى بابالار اڭساعان تاۋەلسىز ەلدىڭ قادىرىنە جەتىپ، جاستارعا وتان سۇيگىش بولۋدى دارىپتەدى. استانادان كەلگەن جۋرناليست، اقىن بەيسەن احمەت ۇلى  جالپى الەمدەگى ءوتىپ جاتقان زۋقا بابامىزدىڭ قۇرمەتىنە ارنالعان شارالار تۋرالى مالىمەتتەرمەن ءبولىسىپ، حالىقارالىق ۇيىمداستىرۋ القاسى اتىنان العىس ايتتى.فيلولوگيا فاكۋلتەتىنىڭ ستۋدەنتى ر.ماداكەيەۆ زۋقا باتىردىڭ كۇرەسىندەگى وزىندىك ەرەكشەلىكتەرىن تالداپ ءوتتى.

شارا سوڭى باتىرعا ارنالعان ولەڭدەردەن قۇرالعان شاعىن كونسەرتتىك باعدارلاماعا ۇلاستى. قالالىق ونەر مەكتەبىنىڭ ديرەكتورى تىلەۋلى تۇرار، فيلولوگيا فاكۋلتەتىنىڭ ستۋدەنتتەرى ر.نارعۇلان، ءۇ.باعدات باتىرعا ارناۋ ولەڭدەرىن وقىدى. ءىس-شاراعا اتسالىسقاندارعا «نۇر وتان» پارتياسى تۇركىستان قالالىق فيليالى اتىنان العىس حاتتار بەرىلدى. كونفەرەنسيا قورىتىندىسىندا احمەت ياساۋي ۋنيۆەرسيتەتىندە الاش ارداگەرى زۋقا باتىر ءسابيت ۇلىنىڭ 150 جىلدىق حالىقارالىق مەرەيتويىن وتكىزۋ القاسى اتىنان تۇركى دۇنيەسى جاستارىنىڭ دوستىق سپورت اپتالىعىنىڭ جەڭىمپازدارى ماراپاتتالدى.

زۋقا باتىر ءسابيت ۇلى - 1866 جىلى قازىرگى شىعىس قازاقستان وبلىسىنىڭ زايسان اۋدانىندا دۇنيەگە كەلگەن. زۋقانىڭ اكەسى شىعىس وڭىرىنە اسا تانىمال بولعان ءسابيت داموللا. ارعى اتاسى نۇرمۇحاممەد ابىز. تەكتى اۋلەتتەن شىققان باتىر بابامىز، ورىس وتارشىلدىعى مەن گومينداڭ جۇڭگو ەزگىسىنە تاپ بولعان قازاق حالقىن ازات ەتۋ جولىندا قازا تابادى.

ۋنيۆەرسيتەتتىنىڭ اقپارات ورتالىعىنىڭ كومەگىمەن دايىنداعان بۇقارباي ب. فوتو: و.نازاروۆ.