اسقار مىرزاحمەتوۆ ق ر اۋىل شارۋاشىلىعى مينيسترلىگى بولىپ تاعايىندالدى، - دەپ حابارلايدى Qamshy.kz اق وردانىڭ باسپا ءسوز قىزمەتىنە سىلتەمە جاساپ.
«مىرزاحمەتوۆ اسقار يسابەك ۇلى ق ر اۋىل شارۋاشىلىعى ءمينيسترى بولىپ تاعايىندالسىن»، - ەلباسىنىڭ جارلىعىندا.
بۇعان دەيىن اۋىل شارۋاشىلىعى ءمينيسترى اسىلجان مامىتبەكوۆتىڭ وتستاۆكاعا كەتكەنى حابارلانعان بولاتىن.
اسقار مىرزاحمەتوۆ بۇل تاعايىنداۋعا دەيىن 2015 جىلدىڭ تامىزىنان بەرى «نۇر وتان» پارتياسىنىڭ ءبىرىنشى ورىنباسارى بولعان ەدى.
2009-2015 جج وڭتۇستىك قازاقستان وبلىسىنىڭ اكىمى، 2007-2009 جىلدارى «وڭتۇستىك» الەۋمەتتىك-كاسىپكەرلىك كورپوراسياسى» اكسيونەرلىك قوعامىنىڭ باسقارما ءتوراعاسى، 2005-2006 جىلدارى قازاقستاننىڭ وزبەكستانداعى وكىلەتتى ەلشىسى سياقتى ءتۇرلى قىزمەتتەردى اتقارعان.
وسىلايشا پرەزيدەنت كومانداسىنداعى سەنىمدى كادر، وڭتۇستىك ءوڭىردىڭ ەكونوميكاسىن ورگە سۇيرەگەن، ۇلكەن ساياسي ناۋقاندار بارىسىندا باس پارتيانىڭ تىزگىنىن ۇستاعان اسقار مىرزاحمەتوۆكە شارۋاسى شاتقاياقتاي باستاعان اۋىلشارۋاشىلىعى مينيسترلىگىن باسقارۋ مىندەتى جۇكتەلىپ وتىر. وسى رەتتە اۋىلداعى اعايىننىڭ اسقارداي ازاماتتان زور ءۇمىت كۇتەرى انىق.
