گۋاندۋن اپەللياسيالىق سوت شەشىمى قحر-دا ءىستى بولعان قازاقستان ازاماتشاسى اقجارقىن تۇرلىبايدىڭ ءىسىن ءبىرىنشى ساتىداعى سوتقا قاراۋعا جىبەردى، دەپ حابارلايدى Qamshy.kz

قازاقستاننىڭ سىرتقى ىستەرى مينيسترلىگىنىڭ باسپا ءسوز قىزمەتىنىڭ حابارلاۋىنشا، 2016 جىلدىڭ 6 مامىرىندا گۋاندۋن اپەللياسيالىق سوتى قحر قىلمىستىق ءىسى بويىنشا ەسىرتكى كونترابانداسىمەن ايىپتالعان قازاقستان ازاماتشاسى اقجارقىن تۇرلىبايدىڭ ءىسىن باستادى.

«سوت اقجارقىن تۇرلىبايدىڭ ءومىر بويى باس بوستاندلىعىنان ايىرۋ ۇكىمىنىڭ كۇشىن جويدى. جانە ءىستى قايتادان قاراۋ ءۇشىن ءبىرىنشى ساتىداعى سوتقا جىبەردى. قاۋلى گۋندۋن سوتىنا شاعىمدانۋعا جانە نارازىلىق بىلدىرۋگە جاتپايدى جانە دەرەۋ كۇشىنە ەنەدى"، - دەلىنگەن ۆەدومستۆونىڭ حابارلاماسىندا.

حابارلامادا ايتىلعانداي، ق ر سىرتىقى ىستەر مينسترلىگىنىڭ وكىلى، قازاقستان ەلشىلىگىنىڭ قىتايداعى كونسۋلى ب.سىرلىبايەۆ، ادۆوكات س.نۇرماعامبەتوۆ جانە جۇڭگو ادۆوكاتتارى سياو چجاندە مەن فەن چجيسزيان قاتىسقان.

ەستەرىڭىزگە سالا كەتەيىك، قازاقستاندىق 20 جاسار ستۋدەنت اقجارقىن تۇرلىباي 2014 جىلدىڭ ناۋرىز ايىندا گۋانچجوۋ اۋەجايىندا ەسىرتكىمەن ۇستالعان.

بۇعان دەيىن حابارلانعانداي، اقجارقىن تۇرلىبايدى ءساۋىر ايىندا قازاقستانعا اۋىستىرۋ تۋرالى قىتايمەن كەلىسسوزدەر جۇرگەن. قازاقستاندىق ستۋدەنت جۇڭگو سوتىمەن ءومىر بويىنا سوتتالعان بولاتىن، ق ر ءسىم ءساۋىر ايىنا اپەللياسيالىق سوتقا شاعىمدانعان.

ەسىرتكى كونترابانداسىمەن ايىپتالعان قىز ءوزىنىڭ بەلگىسىز بىرەۋلەرگە الدانىپ قالعانىن ايتقان بولاتىن.