ۇلتتىق ۇلاننىڭ «وڭتۇستىك» وڭىرلىك قولباسشىلىعىندا وتان قورعاۋشىلار كۇنى مەرەكەسى مەن ۇلى جەڭىستىڭ 71 جىلدىعىنا وراي «ەشكىم دە، ەشنارسە دە ۇمىتىلمايدى!» اتتى تاقىرىپپەن سالتاناتتى مەرەكەلىك ءىس-شارا بولىپ ءوتتى.

ءىس-شارانى قۇتتىقتاۋ سوزدەرىمەن اشقان «وڭتۇستىك» وڭىرلىك قولباسشىلىعى قولباسشىسىنىڭ تاربيە جانە الەۋمەتتىك-قۇقىقتىق جۇمىستارى جونىندەگى ورىنباسارى پولكوۆنيك نۇرباي بەكتۇرسىنوۆ ۇلى وتان سوعىسىنىڭ ارداگەرلەرى مەن تىل مايدانگەرلەرىن جانە بارشا جەكە قۇرامدى جەڭىستىڭ 71 جىلدىعىمەن، سونىمەن قاتار وتان قورعاۋشىلار كۇنى مەرەكەسىمەن قۇتتىقتاپ، ولارعا يگى جاقسىلىقتار تىلەدى. ول ءوز سوزىندە: «ۇلى جەڭىس مەيرامى – قازاقستان حالقىنىڭ ەرلىگىن، باتىلدىعىن، ابىرويىن اسقاقتاتۋمەن قاتار، بەيبىت ءومىر مەن وتان ءۇشىن جانىن قيعان جاۋىنگەرلەردى ەسكە الاتىن ەرەكشە ماڭىزدى مەرەكە. وسىنداي مەرەكەنىڭ جالعاسىپ كەلە جاتقانىنا بيىل 71 جىل، جانە ونىڭ تويلانۋىنىڭ تاۋەلسىزدىگىمىزدىڭ 25 جىل تولۋىمەن تۇسپا-تۇس كەلىپ جاتقانى – ءبىز ءۇشىن قوسارلانعان قۋانىش» دەپ اتاپ ءوتىپ، بۇنداي ەرلىك داستانىن ەشقاشان ۇمىتۋ مۇمكىن ەمەستىگىن پاش ەتتى. بۇنىمەن قوسا ول، باتىر بابالار ەرلىگىنىڭ جالعاسى ىسپەتتەس ۇلتتىق ۇلاننىڭ قازىرگى زامانعى اسكەري قىزمەتشىلەرىنىڭ ەرلىگىن دە ەستەن شىعارمادى، اسىرەسە كۇنى كەشە عانا ەلباسىنىڭ قاۋلىسىمەن ءوز ءومىرىن قاتەرگە تىگىپ، جاس ساربازدى ولىمنەن اراشالاپ قالعان پولكوۆنيك قايرات ۇمبەتوۆتىڭ قازاقستانداعى ەڭ ۇلكەن ناگرادا «حالىق قاھارمانى» اتاعىنا قول جەتكىزۋىن ناعىز ەرلىكتىڭ ۇلگىسى ەكەندىگىن زور قۋانىشپەن جەتكىزدى.

         ۇدايى جاس ساربازدارعا پاتريوتتىق تالىم-تاربيە بەرىپ كەلە جاتقان «وڭتۇستىك» وڭىرلىك قولباسشىلىعى ارداگەرلەر كەڭەسىنىڭ ءتوراعاسى گەنناديي فالەيەۆ پەن ىشكى اسكەرلەر ارداگەرى ۆاسيليي مەزين دە بارشا اسكەري قىزمەتشىلەردى ءتول مەرەكەلەرىمەن قۇتتىقتاپ، ۇلى وتان سوعىسىنىڭ ارداگەرلەرى مەن تىل مايدانگەرلەرىنە جۇرەكجاردى سوزدەرىن ارنادى.

         قۇتتىقتاۋ سوزدەردەن كەيىن وتان قورعاۋشىلار كۇنى مەن ۇلى جەڭىستىڭ 71 جىلدىعى مەرەكەلەرى قارساڭىندا  قىزمەتتىك مىندەتتەرىن ادال اتقارىپ، ۇزدىك جەتىستىكتەرگە قول جەتكىزگەن وفيسەرلەر مەن كەلىسىمشارت اسكەري قىزمەتشىلەرىن كوتەرمەلەۋ تۋرالى ىشكى ىستەر ءمينيسترىنىڭ، ۇلتتىق ۇلان باس قولباسشىسىنىڭ جانە «وڭتۇستىك» وڭىرلىك قولباسشىلىعى قولباسشىسىنىڭ بۇيرىقتارى وقىلىپ، ۇزدىك اسكەري قىزمەتشىلەرگە مەدالدار، گراموتالار جانە باعالى سىيلىقتاردى ىشكى ىستەر ءمينيسترىنىڭ جانە ۇلتتىق ۇلان باس قولباسشىسىنىڭ اتىنان «وڭتۇستىك» وڭىرلىك قولباسشىلىعىنىڭ قولباسشىسى گەنەرال-مايور الىبەك سەرالييەۆ جەكە ءوزى تابىس ەتتى. 

         مەرەكەلىك جيىنعا ۇلى وتان سوعىسىنىڭ ارداگەرلەرى، تىل مايدانگەرلەرى جانە «وڭتۇستىك» وڭىرلىك قولباسشىلىعىنىڭ جەكە قۇرامى قاتىسىپ، ايتۋلى مەرەكە كۇنى ەرەكشە قۇرمەتكە بولەندى. ءىس-شارا سوڭىندا  ۇلى وتان سوعىسىنىڭ ارداگەرلەرى مەن تىل مايدانگەرلەرىنە ارنالىپ داستارحان جايىلدى.