جاڭا وقۋ جىلىنان باستاپ مەكتەپتەردە امبەباپ ۇستازدار ساباق بەرمەك. ياعني، ءبىر ءمۇعالىم بىرنەشە ءپاندى وقىتادى. ءبىلىم مينيسترلىگى كەزەكتى رەفورماسىن 1ء-شى سىنىپتاردان باستاعالى وتىر، -دەپ حابارلايدى Qamshy.kz كتك ارناسىنا سىلتەمە جاساپ.

ەندى ەڭبەك، سۋرەت، دەنە شىنىقتىرۋ مەن مۋزىكادان ساباق بەرۋ جالعىز ۇستازعا جۇكتەلەدى. ماتەماتيكا، فيزيكا، حيميا، بيولوگيا پاندەرى دە بىرىكپەك. بۇگىن ءبىلىم ءمينيسترى مەكتەپ ديرەكتورلارىن جيناپ، وسى جاڭا جۇيە جايىندا كەڭەستى.

مينيسترلىك جاڭا جۇيە بويىنشا 1ء-شى سىنىپقا جاڭا وقۋلىق تا دايىنداپ قويعان. كەيىن كەزەك جوعارى سىنىپتارعا دا كەلەدى. جاڭا باعدارلاما بويىنشا، ماتەماتيكا، فيزيكا، حيميا مەن بيولوگيا ءپانى بىرىگىپ، ولار دا جالعىز مۇعالىمگە جۇكتەلمەك. ال، قازاقستان تاريحى گەوگرافيامەن قوسىلىپ، بۇل ءپان قازاق تىلىندە وقىتىلادى. بۇل باعدارلاماعا ساي جوعارى وقۋ ورىندارىنا دا تالاپ وزگەرەدى. ەندى پەداگوگيكالىق ۋنيۆەرسيتەتتەر مامانداردى بۇرىنعىداي جەكە-جەكە ەمەس، بىرنەشە ءپاندى مەڭگەرگەن امبەباپ ۇستازداردى دايىنداۋى ءتيىس.

-مامان دايىنداۋ ماسەلەسىنە مۇقيات كوڭىل بولەمىز. پەداگوگيكالىق جوعارى وقۋ ورىندارىنداعى وقىتۋشىلارمەن كەزدەسەيىك. جوعارى كۋرس ستۋدەنتتەرى مەن ماگيسترلەرمەن كەڭەسىپ، اقىلداسۋ قاجەت»، - دەيدى ق ر ءبىلىم جانە عىلىم ءمينيسترى ەرلان ساعادييەۆ.