امەريكادا «تەرروريزم» بابىمەن سوتتالعان ستۋدەنت جاقسى ءتارتىبى ءۇشىن مەرزىمىنەن بۇرىن بوستاندىققا جىبەرىلمەك، -دەپ حابارلايدى Qamshy.kz كتك ارناسىنا سىلتەمە جاساپ.

شەتەلدە 3 جارىم جىلعا سوتتالعان ستۋدەنت وسى ايدىڭ 19-ى كۇنى تۇرمەدەن بوساپ شىعادى. ودان كەيىن ۋاقىتشا ۇستاۋ اباقتىسىندا دەپورتاسيا تۋرالى شەشىمدى كۇتۋى كەرەك. ازىرگە ول كەنتۋككي شتاتىندا. اكەسى ءامىر يسماعۇلوۆتىڭ ايتۋىنشا، جەرلەسىمىز اباقتىدا فۋتبولدان جاتتىقتىرۋشى بولىپ، ءارى سوتتالعاندارعا ماتەماتيكادان ساباق بەرىپتى. ءتاجياقوۆ تۋىستارمەن سوڭعى مارتە بىلتىر كەزدەسكەن ەكەن. دەسە دە، ۇلگىلى ءتارتىبىن ەسكەرگەن تۇرمە باسشىلىعى وعان كۇندەلىكتى ۇيىنە قوڭىراۋ شالۋعا رۇقسات ەتىپتى. ازامات ءتاجاياقوۆ پەن تاعى ءبىر جەرلەسىمىز دياس قادىربايەۆقا ەكى جىل بۇرىن اعايىندى لاڭكەستەر سارنايەۆتارعا قول ۇشىن سوزدى دەگەن ايىپ تاعىلعانىن ايتا كەتەيىك. بوستونداعى سول جارىلىستان 4 ادام قازا تاۋىپ، 300-گە جۋىعى جارالانعان ەدى.