بۇگىن بارشا قازاق بالاسى تويلايتىن – وتان قورعاۋشىلار كۇنى. ءالميساقتان ەلى مەن جەرىن قورعاۋدى باس اماندىعىنان ارتىق كورەتىن الاش جۇرتى الەمدەگى وتانى بار بىرنەشە ۇلتتىڭ بىرەۋى. بۇل اللا تاعالىنىڭ قازاققا سىيلاعان ۇلى نىعمەتى دەسەك قاتەلەسپەيمىز. ءوزىنىڭ كەڭ دارحان پەيىلىنە قاراي وسىنشا بايتاق دالانى قۇشاعىنا سىيدىرعان قازاق ەلى دۇنيەجۇزىندەگى كەرەگەسى كەڭ، تەرەزەسى تەڭ مەملەكەتتەردىڭ ءبىرى. تاريحتىڭ قيلى كوشىندە ۇلى دالامىز ۇلتاراقتاي قيىلىپ، اتادان بالا، بالادان انا كوز جازىپ قالعان كەزەڭدەر ءوتتى. ايرانداي ۇيىپ وتىرعان الاش جۇرتى شەكارانىڭ سىزىعىمەن ءبولىنىپ قالدى. الەمدەگى ءۇش قازاقتىڭ ءبىرى ءوز وتانىنا جىراقتا ءجۇر...

قۇدايعا مىڭ شۇكىر! تاۋەلسىزدىك تاڭى اتىسىمەن اسىلدىڭ سىنىعى، تۇلپاردىڭ تۇياقتارى اتاجۇرتقا بەت بۇردى. «قازاق كوشى» قارقىن الدى. مەملەكەتتىڭ ىرگەسىن بەكەمدەپ، شەتەلدەن كەلگەن 1 ميلليون قازاق وتانىندا وتاۋىن تىكتى...  كوك تۋىن جەلبىرەتىپ، شەكاراسىن نىقتاعان ەلگە، مىنە، 25 جىل تولىپ وتىر. «اينالايىن، قازاقستانىم» ءانى وسىنداي مەرەيلى كۇندە جۇرەكتەن شىقتى.

ءيا، كاسىبي كومپوزيتور ەمەسپىن. مەن تەك قانا ساعىنىشتى جۇرەككە تۇسكەن سارى دالانىڭ سارىنىن جەتكىزدىم... مەرەكە قۇتتى بولسىن، التى الاش!