الماتى قالاسىنىڭ اباي كوشەسىندە ورنالاسقان اتاقتى «دوستىق» سپورت كەشەنى ساۋداعا شىعارىلدى. كەشەننىڭ جالپى قۇنى 3،7 ملرد تەڭگە، - دەپ حابارلايدى Qamshy.kz BNews.kz سايتىنا سىلتەمە جاساپ.

عيمارات 1983 جىلى سالىنعان. 7،3 مىڭ شارشى م. اۋماقتا 6 تەننيس كورتى، 3 فۋتبول الاڭى جانە كوپتەگەن اكىمشىلىك عيمارات ورنالاسقان. نىسان سپورتتىق جانە اكىمشىلىك عيماراتتارعا قىزمەت كورسەتۋ ءۇشىن پايدالانىلادى.

2000 جىلعا دەيىن «دوستىق» ق ر سپورت جانە تۋريزم جونىندەگى اگەنتتىگىنە تيەسىلى بولعان. كەيىن اكسيونەرلىك قوعام رەتىندە قايتا قۇرىلعان.

ايتا كەتەيىك، الماتىدا قالالىق سپورت نىساندارى مەن كلۋبتاردى جەكەشەلەندىرۋ جۇمىسى قارقىندى ءجۇرىپ جاتىر. ۇكىمەت بەكىتكەن جوسپار بويىنشا الماتى قالاسىنىڭ اكىمدىگى 26 كوممۋنالدى جەكە مەنشىكتى ساۋداعا شىعارماق. ونىڭ 20 نىسانى 2016 جىلى، ال قالعاندارى 2018 جىلعا دەيىن جەكەنىڭ قولىنا وتەدى.