اقش-تا ءابليازوۆ پەن حراپۋنوۆتىڭ جىمقىرعان 21 ميلليون دوللارىنا تىيىم سالىندى، - دەپ حابارلايدى، - دەپ حابارلايدى Qamshy.kz  Tengrinews.kz سايتىنا سىلتەمە جاساپ. بۇل تۋرالى ق ر ادىلەت مينيسترلىگىنىڭ باسپا ءسوز قىزمەتى اقپارات تاراتقان.

بتا بانكىنىڭ، الماتى اكىمدىگىنىڭ جانە قازاقستان رەسپۋبليكاسىنىڭ ادىلەت مينيسترلىگىنىڭ بىرىگە اتقارعان جۇمىسىنىڭ ناتيجەسىندە اقش-تا مۇحتار ءابليازوۆ پەن ۆيكتور حراپۋنوۆتىڭ قىلمىستىق توبى جىمقىرعان ونداعان ميلليون دوللارىنا تىيىم سالىندى. 

2014 جىلدىڭ مامىرىندا الماتى قالاسىنىڭ بيلىگى ۆيكتور حراپۋنوۆ پەن ونىڭ قوسىلما تۇلعالارىنا قارسى اقش-تاعى كاليفورنيا شتاتىنىڭ سوتىنا ارىز تۇسىرگەن بولاتىن. پروسەسس قازاقستان رەسپۋبليكاسىنىڭ ادىلەت مينيسترلىگىنىڭ زاڭگەرلىك قاداعالاۋىمەن ءوتتى. تاراپتاردىڭ مالىمەتتەردى اشۋ پروسەدۋرالارىنىڭ ناتيجەسىندە قازاقستاننان شىعارىلىپ، جىمقىرىلعان اكتيۆتەر انىقتالعان.   

"قىلمىستىق قۋدالاۋدان جانە جىمقىرعان قاراجاتىنىڭ تاركىلەنۋىنەن ساقتانعان ۆيكتور حراپۋنوۆ پەن مۇحتار ءابليازوۆ اقش قۇزىرەتىنىن اكتيۆتەردى شۇعىل شىعارۋ ماقساتىندا مۇلىكتى ساتا باستاعان. ناقتىراق ايتقاندا، نيۋ-يوركتەگى اپارتامەنتىنىڭ ءقوناقۇيدى قايتا قۇرىلىمداۋ بويىنشا جوبالارعا ايتارلىقتاي جەڭىلدىكتەر جاسالعان. قۇيىلعان 40 ميلليون دوللاردىڭ ورنىنا ءابليازوۆ پەن حراپۋنوۆ ءوز ۇلەستەرىن 21 ميلليون دوللارعا ساتۋعا تىرىسقان. الايدا ولاردىڭ اراسىندا جانە ديەۆەلوپەردىڭ اراسىندا سوت داۋ شىققان. بۇل پروسەسسكە بتا بانكىنىڭ، الماتى اكىمدىگىنىڭ جانە قازاقستان رەسپۋبليكاسىنىڭ ادىلەت مينيسترلىگى ارالاستى. ناتيجەسىندە 21 ميلليون دوللار كولەمىندەگى قاراجاتتى وتكىزۋگە تىيىم سالىندى. قازىرگى ۋاقىتتا اقش-تىڭ فەدەرالدى سوتىندا جانە نيۋ-يورك شتاتىنىڭ سوتىندا توقتاتىلعان قاراجاتتى قايتارۋ بويىنشا جۇمىستار جۇرگىزىلىپ جاتىر"، - دەپ حابارلادى مينيسترلىكتەگىلەر.