ع. مۇسىرەپوۆ اتىنداعى بالالار مەن جاسوسپىرىمدەر تەاترى كورەرمەندەرگە جاڭا سپەكتاكل ۇسىنباق، ، - دەپ حابارلايدى Qamshy.kz.

«ماحاببات حاتتارى» دەپ اتالاتىن قويىلىمنىڭ پرەمەراسى 18 مامىر كۇنى وتپەك. البەرت گەرنيدىڭ پەساسى اعزيا كولبايەۆانىڭ اۋدارماسى نەگىزىندە ساحنالانىپ وتىر. قويۋشى-رەجيسسەرى – جۇلدىزبەك  جۇمانباي، قويۋشى-سۋرەتشىسى  – قۋات  تۇستىكبايەۆ.

امەريكاندىق ءورشىل سەناتور عۇمىر بويى وزىمەن حات الىسقان ايەلدىڭ قازاسىنان  كەيىن  وتكەن  ءومىرىن  ءبىر ءسات ەسكە  الادى.

ەكى جۇرەك، شولىركەگەن كەيىپ... قۇنارسىز كۇلكى مەن تامشى كوز جاسى.  حاتتار،  حاتتار... 

ءبىر-بىرىن  ىزدەۋ،  ساعىنۋ،  اڭساۋ،  كۇتۋ،  كۇيۋ  مەن  جانۋ...  الەمنىڭ  ءار  تۇكپىرىندە  ءوز  ومىرلەرىن  ءسۇرىپ  جاتسا  دا،  العاشقى  ماحابباتتى  ۇمىتپاۋ.

سپەكتاكلدەگى قوس كەيىپكەردى قازاقستاننىڭ ەڭبەك سىڭىرگەن قايراتكەرلەرى تىنىشكۇل  سۇلتانبەردييەۆا (مەليسسا)، قادىرعازى  قۋاندىقوۆ (ەندي) سومداماق.