استانا قالاسىنىڭ ىشكى ىستەر دەپارتامەنتى ادامداردى الداۋ جولىمەن 2،5 ملن. تەڭگەنى يەلەنگەن «Dream Life» جىلجىمايتىن مۇلىك كومپانياسىنىڭ قىزمەتكەرلەرىنە قاتىستى سوت الدىنداعى تەرگەۋ امالدارىن جۇرگىزىپ جاتىر، - دەپ حابارلايدى Qamshy.kz قازاقپاراتقا سىلتەمە جاساپ.
استانا قالالىق ءىىد ازامات الداۋ جانە سەنىمىنە كىرۋ ارقىلى «Dream Life» كومپانياسىنان استانا قالاسىنان باسپانا ساتىپ الۋ ءۇشىن ج. ەسىمدى ازاماتتىڭ 2،5 ميلليون تەڭگە سوماسىنداعى اقشاسىن يەلەنگەن م. ەسىمدى ازاماتتىڭ ۇستىنەن ق ر قك-نىڭ 195-بابىنىڭ 4-بولىمىمەن (مۇلىكتىك زيان كەلتىرۋ جانە سەنىمگە قيانات ەتۋ) سوت الدىنداعى تەرگەۋ امالدارىن جۇرگىزىپ جاتىر»، - دەلىنگەن تاراتىلعان حابارلامادا.
پوليسەيلەردىڭ اتاپ وتۋىنشە، «Dream Life» ج ش س باق-تا جىلجىمايتىن مۇلىكتى بۇكىل قازاقستان، سونىڭ ىشىندە استانا قالاسى بويىنشا «ورتاق ءۇي» تۇتىنۋشىلىق كووپەراتيۆى ارقىلى مەرزىمىن ۇزارتىپ، پايىزسىز جانە ارتىق تولەمسىز ساتاتىنى تۋرالى جاريالاعان.
