قاراعاندى وبلىسىنىڭ بۇرىنعى اكىمى باۋىرجان ابدىشيەۆ 12 مامىر كۇنى بەيسەنبى كۇنى قىلمىستىق ىستەرگە قاتىستى قازىبەك اۋداندىق سوتىنا مەرزىمىنەن بۇرىن بوساتۋ تۋرالى قولداۋحات  بەردى، - دەپ حابارلايدى Qamshy.kz . 

باۋىرجان ابدىشيەۆ قاراعاندى وبلىسى بويىنشا قاجد اك-159/1 مەكەمەسىندە جازاسىن وتەۋدە.

-بۇگىن اۋداندىق سوتقا ابدىشيەۆتەن قولداۋحات كەلىپ ءتۇستى. الايدا ونىڭ قارالۋ ۋاقىتى ازىرگە بەلگىلى ەمەس، - دەپ حابارلادى قاراعاندى وبلىستىڭ سوتىنىڭ ءتوراعاسى مۇسابەك الىمبەكوۆ جۋرناليستەرگە ارنالعان بريفينگتە.

ەستەرىڭىزگە سالا كەتەيىك، ابدىشيەۆتىڭ ءبىرىنشى قولداۋحاتى 14 ساۋىردە بەرگەن، الايدا ءبىر كۇننەن كەيىن سەبەبى تۇسىندىرىلمەستەن، كەرى قايتارىلىپ الدى. وبلىستىڭ اكس-اكىمىنىڭ ادۆوكاتى بۇل جاعدايعا قاتىستى قانداي دا ءبىر تۇسىنىكتەمە بەرۋدەن باس تارتقان.

باۋىرجان ابدىشيەۆ 2015 جىلدىڭ 11 جەلتوقسانىندا اۋدانارالىق مامانداندىرىلعان سوتىڭ شەشىمىمەن قىلمىستىڭ ءىستىڭ ق ر قك 307-بابى "قىزمەتتىك وكىلەتتىكتى تەرىس پايدالانۋ» ءىسى بويىنشا سوتتالعان.

قاراعاندى وبلىستىق سوتىنىڭ اپەللياسيالىق القاسى 2016 جىلعى 14 ناۋرىزداعى قاۋلىسىمەن ءبىرىنشى ساتىداعى سوت ۇكىمىن وزگەرتتى. ابدىشيەۆتىڭ باس بوستاندىعىنان ايىرۋ مەرزىمى 3 جىلعا دەيىن ازايتىلعان بولاتىن.