قازاق-قىتاي شەكاراسىنداعى وتكەن اپتادا ورتەنىپ كەتكەن «ارقانكەرگەن» بەكەتىنە سوندا قىزمەت ەتكەن شەكاراشىلاردىڭ ءبىرى كەلدى. قازاقستان كۇشتىك قۇرىلىمدارىنىڭ دەرەككوزىنە سۇيەنسەك، ءتىرى قالعان اسكەري قىزمەتكەر رەسەي ازاماتى ەكەن.

«ارگۋمەنتى ي فاكتى» حابارلاعانداي، جەرگىلىكتى تۇرعىندار ساربازدىڭ بەكەتكە تاۋ جاقتان كەلگەنىن ايتادى. ولار بىردەن دارىگەر شاقىرىپ، سارباز اۋرۋحاناعا جەتكىزىلگەن. ول جەرگە تەرگەۋشىلەر كەلىپ، ماسەلەنىڭ ءمان-جايىن انىقتاۋدى باستادى.

رەسپۋبليكانىڭ قۇقىق قورعاۋ ورگاندارىنىڭ اقپاراتىنا قاراعاندا، تەكسەرۋ كەزىندە اسكەري قىزمەتكەردەن تاپانشا تابىلدى. دەرەككوزدىڭ مالىمەتىنشە، سارباز ءوزىن ءبىرتۇرلى ۇستاعاندىقتان، دارىگەرلەر ونىڭ پسيحيكاسىنىڭ بۇزىلعانىنا كۇماندانباعان كورىنەدى.

ءقازىر اسكەري قىزمەتكەر 15 ادامنىڭ ولىمىنە سەبەپشى بىردەن-بىر كۇدىكتى بولىپ وتىر. الدىن الا نۇسقاعا قاراعاندا، ارىپتەستەرىمەن زاڭسىز قارىم-قاتىناستاردىڭ ورىن الۋى  توتەنشە جاعدايدىڭ سەبەبىنە نەگىز بولۋى ىقتيمال.