قازاقستاندىق ازامات رەسەيدە ءۇش جاسار بالاسىن 1،5 ميلليون رۋبلگە ساتىپ، ليپەسكتە ءۇي ساتىپ الماق بولعان، - دەپ حابارلايدى "ەكسپرەسس ك" باسىلىمى.
رەسەيدە ءوز بالاسىن ساتىپ جىبەرمەك بولعان قازاقستاندىق ەر ادامنىڭ ۇستىنەن ءىس قوزعالدى. ول بالاسىن ساتىپ الۋشىلاردى ينتەرنەت ارقىلى ىزدەستىرگەن. حابارلامانى ءبىرىنشى بولىپ بايقاعان پوليسەيلەر وزدەرىن ساتىپ الۋشى رەتىندە تانىستىرىپ، ەر اداممەن بايلانىسقا شىعادى.
پوليسەيلەر بالانى ساتىپ الاتىن بولىپ كەلىسىپ، قازاقستاندىق ازامات قىلمىس ۇستىندە ۇستالدى. تەرگەۋ بارىسىندا بالانىڭ اناسى ءتىرى ەكەنى انىقتالدى. ول كۇيەۋىمەن بىرىگىپ، ءوزىنىڭ قازاسى تۋرالى جالعان انىقتاما جاساعان.
ەندى بالاسىن ساتپاق بولعان اتا-انا ون جىلعا سوتتالۋى مۇمكىن.
