العاش رەت 12 سىنىپ تۇلەكتەرىنە سوڭعى قوڭىراۋ سوعىلدى، - دەپ حابارلايدى Qamshy.kz Baq.kz – كە سىلتەمە جاساپ.

بۇگىن الماتى قالاسى فيزيكا-ماتەماتيكا باعىتىنداعى نازاربايەۆ زياتكەرلىك مەكتەبى ءوزىنىڭ ەڭ العاشقى تۇلەكتەرىن ۇشىردى. العاش رەت شاھار بويىنشا 12-سىنىپ وقۋشىلارى ءۇشىن سوڭعى قوڭىراۋ سوعىلدى. 160 وقۋشى ۇلكەن ءومىر جولىنا اياق باستى. تۇلەكتەر التىن ۇيا مەكتەبىمەن قيماي قوشتاستى. 

سالتاناتتى جيىندا مەكتەپ ديرەكتورى ولەگ پاك وقۋشىلار، اتا-انالار جانە ۇستازدار قاۋىمىن وقۋ جىلىنىڭ ءساتتى اياقتالۋىمەن قۇتتىقتاپ، ولارعا ءوز العىسىن ايتتى. ال تۇلەكتەرگە مەكتەپ اتىن ءاردايىم بيىكتەردەن كورسەتۋىنە سەنىم ءبىلدىرىپ، اق جول تىلەدى.

تولقىپ تۇرمىن،- دەيدى ايگەرىم ەڭسەباي، - ەكىنشىدەن، بويىمدى ماقتانىش سەزىمى كەرنەپ تۇر، سەبەبى، ءبىز الماتى قالاسى بويىنشا نازاربايەۆ زياتكەرلىك مەكتەپتەرىنىڭ العاشقى تۇلەگىمىز. ايگەرىم نازاربايەۆ ۋنيۆەرسيتەتىنە ەمتيحان تاپسىرعان. ەندى ناتيجەسىن كۇتۋدە.

مەكتەپ بىتىرۋشىلەر ۇستازدار قاۋىمىنا اعىنان جارىلىپ، العىستارىن جاۋدىردى. مەكتەپ بىتىرۋشىلەر ءۆالسى، جۇرەكتەن شىققان قوشتاسۋ اندەرى جينالعان جۇرتتى ەرەكشە سەزىمگە بولەدى. ءاردايىم وقۋشىلاردىڭ باسى-قاسىنان تابىلاتىن كۋراتورلارى بالا شاقتان بولاشاققا قادام اتتاعان تۇلەكتەرىنە ءسات ساپار تىلەپ، قيماستىق سەزىممەن ۇلكەن ومىرگە شىعارىپ سالدى.