ق ر ءىىم باسشىسى جۋرناليستەردىڭ قۇقىعىن قورعاۋ تۋرالى نۇسقاۋ بەردى، - دەپ حابارلايدى Qamshy.kz Tengrinews.kz-كە سىلتەمە جاساپ.

مينيسترلىكتەگىلەر بيىل 21 مامىردا پوليسياعا زاڭسىز ميتينگ ۇيىمداستىرۋشىلار مەن رۇقسات ەتىلمەگەن اكسيالارعا بەلسەندى قاتىۋشىلاردىڭ جەتكىزىلگەنىن ەسكە سالدى.

"وكىنىشكە قاراي، ولارمەن بىرگە بۇقارالىق اقپارات قۇرالدارىنىڭ وكىلدەرى دە ۇستالدى. كەيىن ولار بوساتىلدى. رەسپۋبليكانىڭ ىشكى ىستەر ءمينيسترى ءتارتىپ بۇزۋشىلىق ارەكەتەردىڭ الدىن الۋداعى كەمشىلىكتەر بويىنشا جيىن وتكىزىلدى، ءوزىنىڭ كاسىبي مىندەتىن اتقارعان جۋرناليستەردىڭ قۇقىعىن قورعاۋ بويىنشا ەرەجەلەر دايىندالىپ، جولداندى"، - دەپ حابارلادى ق ر ءىىم مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ.

سونىمەن قاتار، ول ب ا ق وكىلدەرىنە ۇندەۋ جاسادى. "جۋرناليست قوعامدىق شاراعا ازامات رەتىندە بارا ما، الدە جۋرناليست رەتىندە بارا ما - انىقتاپ الۋى كەرەك. بۇل ماڭىزدى، سەبەبى ءجۋرناليستىڭ قۇقىعى مەن قوعامدىق شاراعا قاتىسۋشىلاردىڭ قۇقىقتارى ءارتۇرلى. ماسەلەن، جۋرناليست زاڭسىز شارالار تۋرالى جازۋعا قۇقىعى بار، ال سول زاڭسىز شارالارعا قاتىسۋ مەن ۇيىمداستىرۋدىڭ جاۋاپكەرشىلىگى بار. ايتا كەتەيىك، بۇقارالىق اكسيالارعا باراتىن جۋرناليستەردىڭ قىزمەتتىك كۋالىگى، بەيدجى، مۇمكىندىگىنشە باسپا ءسوز بەلگىلەرى: قول تاڭعىشى، باس كيىمدەرى، "پرەسسا"، "ب ا ق" جازۋى بار جيلەتتەر بولۋى ءتيىس"، - دەدى الماس سادۋبايەۆ.