قازاقستان رەسپۋبليكاسىنىڭ ينۆەستيسيالار جانە دامۋ مينيسترلىگى جەر پايدالانۋ قۇقىعىن بەرۋگە ارنالعان اۋكسيون تۇرىندەگى 2016 جىلعى 16 ماۋسىمعا بەلگىلەنگەن كونكۋرستى وتكىزبەيتىن بولدى، - دەپ حابارلايدى Qamshy.kz.  

«كونكۋرسقا قاتىسۋعا بەرىلگەن وتىنىشتەر سانى از بولعاندىعىنا جانە ونى وتكىزۋ پايدالى ەمەستىگىنە بايلانىستى قازاقستان رەسپۋبليكاسى ينۆەستيسيالار جانە دامۋ مينيسترلىگى 2016 جىلعى 19 ساۋىردەگى ەگەمەن قازاقستان گازەتىندە جانە مينيسترلىكتىڭ: www.mid.gov.kz ۆەب-سايتىندا جاريالانعان جەر قويناۋىن پايدالانۋ قۇقىعىن بەرۋگە ارنالعان اۋكسيون تۇرىندەگى كونكۋرستىڭ كۇشىن جويۋ تۋرالى حابارلايدى، سوعان بايلانىستى اۋكسيونعا قاتىسۋ وتىنىشتەرىن قابىلداۋدى توقتاتادى»، - دەلىنگەن مينيسترلىكتىڭ حابارلاماسىندا.

اۋكسيوننىڭ كۇشىن جويۋعا بايلانىستى اۋكسيونعا قاتىسۋ ءۇشىن تولەم قايتارىلۋعا ءتيىس.

انىقتاما ءۇشىن ازاماتتار ق ر ينۆەستيسيالار جانە دامۋ مينيسترلىگىنە مىنا  تەلەفوندار بويىنشا حابارلاسا الادى: 8 (7172) 75 44 67، 75 44 68، 75 44 72.