ەلوردادا حالىقارالىق بالالاردى قورعاۋ كۇنىنە ورايلاستىرىلعان مەرەكەلىك كونسەرتكە قىزۋ دايىندىق ءجۇرىپ جاتىر. ءبىرىنشى ماۋسىمدا استانادا 20-دان استام شارا ۇيىمداستىرىلادى، - دەپ حابارلايدى Qamshy.kz استانا قالاسى اكىمدىگىنىڭ باسپا ءسوز قىزمەتىنە سىلتەمە جاساپ.

كۇنى بويى «تاۋەلسىزدىك» سارايىندا اشىق ەسىك كۇنى، «بالا – مەملەكەتتىڭ بولاشاعى» كورمەسى وتكىزىلەدى، ال «الجير» مۇراجايىندا «مى سوسكۋچيليس پو ماتەرينسكيم رۋكام» تاقىرىبىندا ءدارىس وقىلادى. تاڭەرتەڭ ساعات 10:00-دە ق ر قارجى مينيسترلىگىنىڭ الدىنداعى جانە وقۋشىلار سارايىنىڭ الدىنداعى الاڭداردا، استانالىق پاركتە جانە ستۋدەنتتىك پاركتە مەرەكەلىك ويىن-ساۋىق باعدارلاماسى باستالادى. استانالىق پاركتە الەۋمەتتىك وسال وتباسىلاردان شىققان بالالارعا كومەك كورسەتۋ ءۇشىن «بالالاردىڭ كۇلكىسى» جانە «باقىتتىڭ ءبارى بالالارعا» قايىرىمدىلىق جارمەڭكەلەرى وتەدى. اقبۇلاق وزەنىنىڭ جاعاسىندا Streەt Workout-پەن جاتتىعۋعا ارنالعان العاشقى ارنايى الاڭ اشىلادى. سونىمەن قاتار، جاستار «استانا ارەنا» ستاديونىنىڭ جانىنداعى الاڭدا Open Air جانە «بولاشاق ەنەرگياسى EXPO-2017» شوۋ-كونسەرتىن تاماشالايدى.