قازاقستاننىڭ جابايى المالارى - الەمدەگى المالاردىڭ مادەني تۇرلەرىنىڭ ءتۇپ اتاسى.
حVIII عاسىردا ورتا ازياعا ساپارى بارىسىندا جابايى المالاردى العاش زەرتتەگەن نەمىس عالىمى يوگاننا سيۆەرستىڭ قۇرمەتىنە عىلىمي ورتادا «سيۆەرس المالارى» اتانعان الما تۇپتەرىن كەيىن قازاق اكادەميگى ايماق جانعالييەۆ جالعاستىرىپ، «سيۆەرس» الماسىنىڭ 40 ءتۇرىن انىقتاپ، عىلىمي سيپاتتاما بەرگەن. فرانسيانىڭ باس كونسۋلى پاتريك رەنار، ىلە جانە جوڭعار الاتاۋى قورىقتارىنداعى الما باقتارىندا زەرتتەۋ جۇرگىزگەن فرانسيالىق بەلگىلى بيولوگ-عالىم، ءوز ەلىندەگى «الما» اسسوساسياسىنىڭ پرەزيدەنتى كەترين پەكس، «بەننەتون» قورىنىڭ ديرەكتورى ماركو تومارو (يتاليا) جابايى المالاردى زەرتتەۋ بارىسىنداعى جەتىستىكتەرىمەن ءبولىستى. سونداي-اق، شەتەلدىك مەيماندار ب ا ق وكىلدەرىنە جابايى المالار كولەمىنىڭ 48 پايىزى ورنالاسقان ايرىقشا ايماق – جەتىسۋ ولكەسىندەگى گەنەتيكالىق قوردىڭ ساقتالۋى، ونى دامىتۋ تۋرالى جانە تابيعاتتىڭ بۇل بايلىعىن پايدالانا وتىرىپ تۋريستىك الەۋەتتى كوتەرۋ جولدارىن اڭگىمەلەپ بەردى.
