يراكتا ءتورت لاڭكەس چەمپيوندار ليگاسىنىڭ فينالىن كورىپ وتىرعان مادريدتىك "رەال" فۋتبول كلۋبىنىڭ 12 جانكۇيەرىن ولتىرگەن، - دەپ حابارلايدى Qamshy.kz Tengrinews.kz-كە سىلتەمە جاساپ.

لاڭكەستىك ارەكەت باعدات قالاسىنان سولتۇستىك-شىعىسقا قاراي 50 شاقىرىم جەردەگى باكۋبا قالاسىندا بولعان. لاڭكەستەر ماچ ءوتىپ جاتقان جەرگە باسا كوكتەپ كىرىپ، اۆتوماتپەن اتا باستاعان. العاشقى مالىمەت بويىنشا، 12 ادام قازا تاۋىپ، ال سەگىز ادام جاراقات الىپ، اۋرۋحاناعا جەتكىزىلدى. باسقا دەرەككوزدەرىنىڭ مالىمەتىنشە، بەس ادام قازا تاۋىپ، ءتورت ادام جاراقات العان. قازا تاپقانداردىڭ جاسى 18-30 ارالىعىندا.

شابۋىل جاساعان لاڭكەستەر وقيعا ورنىنان جاسىرىنعان، ەشقايسىسىن ۇستاماعان. ەل بيلىگى بۇل اتىستى لاڭكەستىك دايش ۇيىمىنىڭ ءىسى دەپ وتىر. وسى ايدا وسىعان ۇقساس لانكەستىك ارەكەتتەردىڭ ناتيجەسىندە باكۋبا قالاسىندا وتكەن فۋتبول ماچىندا 16 ادام قازا تاپتى، ولاردىڭ 12ء-سى "رەال" فۋتبول كلۋبىنىڭ جانكۇيەرلەرى، تاعى 20 ادام جاراقات العان.