اقمولا وبلىسىنىڭ ورتالىعىنداعى اەروپورت مامانداندىرىلعان اكىمگەرشىلىك سوتىنىڭ شەشىمىمەن بىرنەشە كۇننەن بەرى جابىق تۇر. بۇل تۋرالى وبلىستىق سوت باسپا ءسوز قىزمەتى حابارلايدى.

سوت قالانىڭ اۋە قاقپاسىن 10 كۇن مەرزىمگە جاپقان بولاتىن. وبلىستىق سوتتىڭ باسپا ءسوز قىزمەتى حابارلاعانداي، سوتتىڭ اەروپورتتىڭ يەسى بولىپ تابىلاتىن «كوكشەتاۋ اۆياكومپانياسى» اق ىس-ارەكەتىن توقتاتۋ تۋرالى شەشىمى اۆياسيالىق قاۋىپسىزدىك تالاپتارىنىڭ بۇزىلۋىنا بايلانىستى 1 اقپاندا قابىلدانعان.

مەملەكەتتىك باقىلاۋ جانە تەكسەرۋ ورگاندارىنىڭ زاڭدى تالاپتارىن، ۇسىنىستارىن، قاۋلىلارىن ورىنداماعاندارى ءۇشىن اۆياكومپانيانىڭ لاۋازىمدى تۇلعالارىنا 200 ەسەپتى ايلىق كولەمىندە ايىپ پۇل سالىنعان. سونىمەن بىرگە اەروپورتتىڭ جۇمىسى 10 كۇنگە توقتاتىلعان. بۇل شارا 20 مامىردان باستالدى. ەندى بۇگىن 30 مامىر كۇنى اۋە قاقپاسى قايتادان ءوزىنىڭ جۇمىسىن جالعاستىرادى.