«كسەلل» اق activ music، activ TV جانە activ ۇسىناتىن Bookmate (OTT-سەرۆيستەر) اتتى جاڭا سەرۆيستەر جۇمىسىنىڭ العاشقى ناتيجەسىن شىعاردى، - دەپ حابارلايدى Qamshy.kz. 

2016 جىلدىڭ اقپان ايىنىڭ باسىندا كوپشىلىككە تانىستىرىلعان جاڭا ويىن-ساۋىق قوسىمشالارى Kcell جانە activ ابونەنتتەرىنە كەز كەلگەن جەردە جانە كەز كەلگەن ۋاقىتتا سۇيىكتى اندەرىن تىڭداپ، كىتاپ وقىپ، تەلەارنا قاراۋعا مۇمكىندىك بەرەدى.

ب ا ق وكىلدەرىمەن وتكەن كەزدەسۋ بارىسىندا «كسەلل» اق باسشىلىعى OTT-سەرۆيستەر ىسكە قوسىلعاننان بەرگى ءۇش اي ىشىندە قوسىمشالارعا جازىلعانداردىڭ قاتارى ەلۋ مىڭ ادامعا جۋىق كورسەتكىشتى كورسەتكەنىن اتاپ ءوتتى.

«جاڭا سەرۆيستەردىڭ ابونەنتتەر تاراپىنان ۇلكەن سۇرانىسقا يە بولعانىن كورىپ وتىرمىز، وعان تانىستىرىلىمنان بەرگى ۋاقىت ىشىندە كوپتەگەن ادامنىڭ جازىلۋشى اتانعانى دالەل. قوسىمشالارىمىزدىڭ قولدانۋشىلار ومىرىنە ءسان قوسىپ، ۋاقىتتى كوڭىلدى وتكىزۋدە كومەككە كەلە الاتىنىنا سەنىمدىمىن، سەبەبى activ ۇسىناتىن ويىن-ساۋىق ەندى ءسىزدىڭ جانىڭىزدا»، - دەپ اتاپ ءوتتى «كسەلل» اق باس اتقارۋشى ديرەكتورى ارتي وتس. 

جاڭا سەرۆيستەر اراسىندا activ ۇسىناتىن Bookmate ەڭ تانىمال قوسىمشا بولىپ وتىر: اقپان ايىنان بەرى 25 مىڭ ادام بۇل قىزمەتتىڭ جازىلۋشىسى اتانعان. 18 مىڭ ادام activ music-كە جازىلسا، 6 000 قولدانۋشى activ TV سەرۆيسىنىڭ كورەرمەنى بولۋ تۋرالى شەشىم قابىلداعان.

تەلەارنالاردى ىڭعايلى جولمەن كورۋگە مۇمكىندىك بەرەتىن activ TV سەرۆيسىنىڭ ەڭ كوپ قارالعان توپ-3 تىزىمىندە 31 ارنا، 7 ارنا جانە كتك كوش باستادى. «سپورت» قوسىمشا توپتاماسى دا Kcell جانە activ ابونەنتتەرى اراسىندا تانىمال بولىپ وتىر. 

العاشقى ءۇش ايدىڭ قورىتىندىسى بويىنشا activ ۇسىناتىن Bookmate سەرۆيسىندە قازاقستاندىق قولدانۋشىلاردىڭ سۇرانىسىنا يە بولعان كىتاپتاردىڭ توپ-10 ءتىزىمى انىقتالدى. رەيتينگتەگى العاشقى ورىندا اعىلشىن جازۋشىسى دجودجو مويەستىڭ «سەنەن كەيىن» اتتى كىتابى تۇر. ەكىنشى ورىنعا ستەيس كرامەردىڭ «وزىمە قول جۇمساعانعا دەيىن 50 كۇن» اتتى شىعارماسى جايعاستى. امەريكاندىق پسيحولوگ روبەرت ءچالدينيدىڭ «ىقپال ەتۋ پسيحولوگياسى» وقۋ قۇرالى ءۇشىنشى ورىننان كورىندى. سونداي-اق ستيۆەن كوۆيدىڭ «جوعارى ناتيجەلى ادامداردىڭ جەتى ادەتى. جەكە تۇلعانى دامىتۋدىڭ قۋاتتى قۇرالدارى» كىتابى، گرەگوري ديەۆيد روبەرتستىڭ «شانتارام» رومانى، تانىمال امەريكاندىق جۇرگىزۋشى ستيۆ ءحارۆيدىڭ «ايەل سەكىلدى ءىس ىستەپ، ەركەك سياقتى ويلان. ەر ادامدار نە سەبەپتى عاشىق بولادى، ءبىراق ۇيلەنبەيدى جانە باسقا دا ەر-ازاماتتاردىڭ قۇپيالارى» شىعارماسى، «سەنىمەن كەزدەسكەنگە دەيىن» اتتى دجودجو مويەستىڭ تاعى ءبىر ەڭبەگى، ستيۆ ءحارۆيدىڭ «ەر ادامدار تۋرالى ەشتەڭە بىلمەيسىز» كىتابى جانە جازۋشى دجون گريننىڭ «جۇلدىزدار كىنالى» رومانى توپ-10-قا كىردى.