وتكەن جىلى قازۇۋ تمد ەلدەرى جوعارعى وقۋ ورىندارى اراسىندا حالىقارالىق ۇكىمەتارالىق «COMSATS» (وڭتۇستىكتە تۇراقتى دامۋدى قامتاماسىز ەتۋ ماقساتىنداعى عىلىم مەن تەحنولوگيا بويىنشا كوميسسيا) بەلدى ۇيىمىنىڭ مۇشەسى اتانعان جالعىز ۋنيۆەرسيتەت.
قازاقستاندىق جوعارى وقۋ ورنى ۇيىم قۇرامىنا كولومبو (شري-لانكا) قالاسىندا وتكەن ۇيلەستىرۋ كەڭەسىنىڭ ءماجىلىسىنىڭ شەشىمى بويىنشا قابىلداندى. بۇعان دەيىن «COMSATS» حالىقارالىق ساراپشىلارى ۋنيۆەرسيتەتكە كەلىپ، ءقازۇۋ-دىڭ عىلىمي-اعارتۋشىلىق الەۋەتىنە كەشەندى تالداۋ جاساۋ ارقىلى ونىڭ عىلىمي-يننوۆاسيالىق دامۋىنا جوعارى باعا بەرگەن بولاتىن.
قازۇۋ «COMSATS» ۇيىمىنىڭ مۇشەسى رەتىندە اقپاراتتىق جانە قارىم-قاتىناس تەحنولوگيالارى، نانوتەحنولوگيالار مەن جاڭا ماتەريالدار، جاڭعىرتىلاتىن ەنەرگيا كوزدەرى، كليمات وزگەرىسى مەن قورشاعان ورتانى قورعاۋ، بيوتەحنولوگيا باعىتتارىندا وتەتىن حالىقارالىق عىلىمي-اعارتۋشىلىق جوبالارعا قاتىسۋعا مۇمكىندىكتەر الادى.
بيىلعى جىلدىڭ 17-19 مامىرىندا يسلاماباد قالاسىندا (پاكىستان) وتكەن كەزەكتى ۇيلەستىرۋ كەڭەسىنىڭ وتىرىسىندا ءبىزدىڭ ۋنيۆەرسيتەتتىڭ ءبىر جىلدىق جۇمىسىنىڭ قورىتىندىسى تىڭدالدى. ءقازۇۋ-دىڭ عىلىمي-اعارتۋشىلىق جانە يننوۆاسيالىق قىزمەتىن حالىقارالىق ساراپشىلار جوعارى باعالادى. سونىمەن قاتار، ۋنيۆەرسيتەتتىڭ الدىڭعى قاتارلى تاجىربيە الماسۋ ورتالىعى، حالىقارالىق تانىمالدىلىعى مەن بۇۇ-نىڭ الەمدىك حاب باعدارلامالارىنىڭ «اكادەميالىق اسەرىن» تۇراقتى دامۋ باعىتىندا باسقارۋ بارىسىندا ايتارلىقتاي جۇمىستار اتقارعانى اتاپ ءوتىلدى.
بۇگىندە قازۇۋ الەمنىڭ وزىق تەحنولوگيالىق جوعارى وقۋ ورىندارى قاتارىندا بولۋى ونىڭ حالىقارالىق دەڭگەيدەگى زەرتتەۋ ۋنيۆەرسيتەتىنە اينالۋ جولىنداعى باعىتىنىڭ دۇرىس ەكەنىن دالەلدەيدى.
قازۇۋ – قۇرامىنا 8 عىلىمي-زەرتتەۋ ينستيتۋتتارىن، عىلىمي-تەحنيكالىق جانە گۋمانيتارلىق باعىتتاعى 30-دان استام ورتالىقتار مەن لابوراتوريالاردى بىرىكتىرگەن ەلىمىزدەگى ەڭ ءىرى عىلىمي-اعارتۋشىلىق جوعارى وقۋ ورنى. مەملەكەت قارجىلاندىراتىن عىلىمي زەرتتەۋلەردىڭ كوبى قازۇۋ-دا جۇزەگە اسىرىلادى جانە بولىنگەن قارجىنىڭ 10%-ى جاس عالىمداردى قولداۋعا جۇمسالادى.
ۋنيۆەرسيتەت عالىمدارىنىڭ جوبالارى وندىرىسكە ەنگىزىلەدى، ال عىلىمي جۇمىستارى "Scopus" جانە "Thomson Reuters" مالىمەتتەر بازاسىنا كىرەتىن جوعارى رەيتينگتى باسىلىمداردا جارىق كورەدى. قازۇۋ - "Thomson Reuters" حالىقارالىق اگەنتتىگىنىڭ «عىلىم سالاسىندا جەتكەن كورنەكتى جەتىستىكتەرى ءۇشىن» ارنايى ديپلومىمەن ماراپاتتالعان قازاقستانداعى ءبىرىنشى جانە بىرەگەي جوعارى وقۋ ورنى.
1994 جىلى قۇرىلعان، شتاب-پاتەرى يسلاماباد قالاسىندا ورنالاسقان «COMSATS» ۇيىمى افريكا جانە لاتىن امەريكا، ازيانىڭ 25 مەملەكەتىن بىرىكتىرەدى. تانىمال حالىقارالىق ۇيىمدار: يۋنەسكو، يسەسكو، يسلامدىق ىنتىماقتاستىق ۇيىمى، بۇۇ-نىڭ يندۋستريالدىق دامۋ ۇيىمى، يسلامدىق دامۋ بانكى جانە ت.ب. ۇيىمداردىڭ باسشىلىعىمەن، تىكەلەي قولداۋىمەن حالىقارالىق «COMSATS» جوبالارى ىسكە اسىرىلادى.
