"28 پانفيلوۆشىلار" اسكەري دراماسىنىڭ پروكاتقا شىعاتىن كۇنى بەلگىلى بولدى، - دەپ حابارلايدى Qamshy.kz Vesti.ru سايتىنا سىلتەمە جاساپ.
"28 پانفيلوۆشىلار" ءفيلمى 1941 جىلى 16 قاراشادا ماسكەۋدى نەمىستەردىڭ شابۋىلىنان قورعاعان گەنەرال يۆان ۆاسيليەۆيچ پانفيلوۆتىڭ قول استىندا بولعان 316-شى اتقىشتار ديۆيزياسىنىڭ كەڭەستىك 28 جاۋىنگەردىڭ كورسەتكەن ەرلىكتەرىنە ارنالعان. ءفيلمنىڭ جۇمىستارى 2009 جىلدان بەرى ءجۇرىپ جاتىر. لەنتانىڭ بيۋدجەتى - 150 ميلليون رۋبل. ونىڭ 34 ميلليونىن پروديۋسەرلەر كراۋدفاندينگتەن ءتۇسىرىپتى. رەسەيدىڭ مادەنيەت مينيسترلىگى 30 ميلليون رۋبل قاراجات ءبولدى، ال قوسىمشا 19 ميلليون ءرۋبلدى قازاقستاننىڭ مادەنيەت جانە سپورت مينيسترلىگى بولگەن.
"ءبىزدىڭ جوبا تاياۋدا دايىن بولادى جانە ءبىز كوپتەن كۇتكەن تانىستىرىلىمىنىڭ ۋاقىتىن جاريالايتىنىمىزعا وتە قۋانىشتىمىز. پانفيلوۆشىلاردىڭ دۋبوسەكوۆو رازەزىندە كورسەتكەن ەرلىكتەرىنە بيىل 75 جىل تولادى. كينوكارتينانىڭ ءدال وسى جىلى شىعاتىنىن جانە وسى ايگىلى ەرلىكتىڭ قۇرمەتىنە ارنالعان ناعىز حالىقتىق ەسكەرتكىش بولاتىنىن ايتا كەتۋ كەرەك"، - دەدى "28 پانفيلوۆشىلار" ءفيلمى مەن CEOGaijin Entertainment پروديۋسەرى انتون يۋدينسيەۆ.
