اقتوبە وبلىسىندا بالىقشىعا نايزاعاي ءتۇسىپ، قازا تاپتى، - دەپ حابارلايدى Qamshy.kz قازاقپاراتقا سىلتەمە جاساپ.

29 مامىر كەشكە شالقار قالاسىنان ەكى دوس كولگە بالىق اۋلاۋعا شىققان. قايىقپەن سۋ قويماسىنىڭ ورتاسىنا دەيىن بارعان. سول كۇنى اۋا رايى قاتتى ىستىق بولعانمەن، اياق استىنان كۇن قۇبىلا باستادى: جەل كوتەرىلىپ، قايىققا جاي تۇسكەن.

«قايىق اۋدارىلىپ كەتكەن، ولاردىڭ بىرەۋى جاعالاۋعا ءجۇزىپ شىعىپ، پوليسيا شاقىرعان. ەكىنشى 24 جاستاعى ەرسۇلتان تيمۋروۆتىڭ مۇردەسى ءبىر جارىم ساعاتتان كەيىن 5 مەتر تەرەڭدىكتەن تابىلدى»، - دەپ حابارلادى شالقار اۋدانى اكىمىنىڭ ورىنباسارى ەلەمەس شوتانوۆ.

قازا تاپقان ەر ادام دەنە شىنىقتىرۋ ءمۇعالىمى بولعان.

ەستەرىڭىزگە سالا كەتەيىك، بۇل اعىمداعى جىلدا بولعان ءبىرىنشى وقيعا ەمەس. بۇعان دەيىن جاي ءتۇسىپ، ادام قايتىس بولۋ فاكتىسى شقو تىركەلگەن بولاتىن.