بۇگىن قازاقستان بويىنشا ۇبت باستالدى. قازاقستاندا ۇلتتىق ءبىرىڭعاي تەستىلەۋ 2-15 ماۋسىم ارالىعىندا وتەدى، - دەپ حابارلايدى Qamshy.kz

ق ر ءبىلىم جانە عىلىم مينيسترلىگىنىڭ دەرەكتەرىنە سايكەس  2016 جىلى قازاقستاندا مەكتەپتى 121 092 وقۋشى بىتىرەدى؛ ولاردىڭ 83 330-ى قازاق تىلىندە، 37 762ء-سى - ورىس تىلىندە. ۇبت تاپسىرۋعا 86 991 تۇلەك ءوتىنىش ءبىلدىردى. بۇل جالپى ساننىڭ 72 پايىزىن قۇرايدى. ولاردىڭ ىشىندە قازاق تىلىندە - 63 021، ورىس تىلىندە - 23 970 تۇلەك تاپسىرادى.

ۇبت 166 پۋنكتتە وتەدى: ونىڭ 116-سى اۋدان ورتالىقتارىندا، 50ء-ى وبلىستىق ورتالىقتار مەن استانا مەن الماتى قالالارىنىڭ جوو عيماراتتارىندا ورنالاسقان. ءبىر پۋنكتتە تەستىلەۋدەن وتەتىندەر سانى 1 كۇندە 600 تۇلەكتى قۇرايدى.

بيىل العاش رەت ۇبت بارلىق قاتىسۋشىلارىن جوعارى ءبىلىم الۋعا قولجەتىمدىلىكتى قامتاماسىز ەتۋ ماقساتىندا   شەكتى 50 بالل الا الماعان تۇلەكتەر ءۇشىن 2016 جىلعى تامىزدا كەشەندى تەستىلەۋدە قايتا تاپسىرۋ مۇمكىندىگى كوزدەلدى.

ۆەدومستۆودا حابارلاعانداي،  2004 جىلدان باستاپ 12 جىلدا ۇبت-عا 1 ملن 504 مىڭ تۇلەك قاتىستى. بۇل وسى جىلدارداعى تۇلەكتەردىڭ جالپى سانىنىڭ 77،1 پايىزىن  قۇرايدى.