الماتىدا 1 مامىردا  العاباس شاعىن اۋدانىندا قيسايىپ قالعان تۇرعىن ۇيدەن 200 ادام ەۆاكۋاسيالاندى، - دەپ حابارلايدى Qamshy.kz ق ر ءىىم تج كوميتەتىنە سىلتەمە جاساپ. 

«وقيعا «العاباس» شاعىن اۋدانىندا توعىز قاباتتى ۇيدە ورىن الدى. توپىراقتىڭ شوگىپ، ءۇيدىڭ قيسايعانى بايقالادى. 200 ادام كوشىرىلىپ، قوناقۇيگە، تۋىستارىنا ورنالاستىرىلدى. ۇيدە گازبەن جابدىقتاۋ توقتاتىلدى. پوليسەي قوعامدىق ءتارتىپتى ساقتاۋدى قامتاماسىز ەتتى. قۇرباندار مەن زارداپ شەككەندەر جوق. بۇگىن قۇرىلىس ماسەلەسى بويىنشا مامانداردان  ارنايى كوميسسيا قۇرىلدى، ولار وقيعا بويىنشا شەشىم قابىلدايدى»، - دەدى ق ر ءىىم تجك رەسمي وكىلى رۋسلان يمانقۇلوۆ.

ايتا كەتەيىك، تج الاتاۋ اۋدانىنداعى العاباس ىقشاماۋدانىندا (مومىش ۇلى جانە اقىن سارا كوشەلەرىنىڭ قيىلىسى) بولدى. ىقشاماۋداننىڭ تۇرعىندارى №1-136 ءۇيدىڭ اپات جاعدايىندا تۇرعانىن، ال تۇرعىنداردىڭ كوشىرىلىپ جاتقانىن ايتادى. ولاردىڭ ايتۋىنشا، تولاستاپ جاۋعان جاڭبىردان ءۇيدىڭ جەرتولەسىنە سۋ تولىپ قالعان.